14 قاڭتاردا الماتى قالاسىندا قازاقستان رەسپۋبليكاسى وقۋ-اعارتۋ مينيسترلىگىنىڭ رەسپۋبليكالىق عىلىمي-پەداگوگيكالىق كىتاپحاناسى عيماراتىندا كىتاپحانا مەن «كىتاپ وقيتىن ۇلت - چيتايۋششايا ناتسيا» قوعامدىق قورى اراسىندا ىنتىماقتاستىق تۋرالى مەموراندۋمعا قول قويىلدى.
قۇجاتقا رەسپۋبليكالىق عىلىمي-پەداگوگيكالىق كىتاپحانانىڭ ديرەكتورى اليا شۋراتوۆنا سايدەمباەۆا جانە قوردىڭ تەڭ توراعاسى شىڭعىس جۇماعالي قول قويدى.
مەموراندۋم قازاقستان رەسپۋبليكاسى پرەزيدەنتى قاسىم-جومارت كەمەلۇلى توقاەۆتىڭ باستاماسى اياسىندا جۇزەگە اسىرىلىپ جاتقان «كىتاپ وقيتىن ۇلت» جوباسىن ىسكە اسىرۋداعى سەرىكتەستىكتى بەكىتەدى. ىنتىماقتاستىق ەلىمىزدە تۇراقتى كىتاپ وقۋ مادەنيەتىن قالىپتاستىرۋعا، سونداي-اق ءپاتريوتيزمدى، ۇلتتىق مادەني مۇراعا قۇرمەتتى، رۋحاني-ادامگەرشىلىك باعدارلاردى، جاۋاپكەرشىلىكتى جانە بىلىمگە ۇمتىلىستى تاربيەلەيتىن ادەبيەتتى ناسيحاتتاۋعاباعىتتالعان.
بىرلەسكەن جۇمىستا ەرەكشە نازار كىتاپتاردىڭ ساراپتامالىق ىرىكتەۋىنە اۋدارىلادى، ولار كىتاپ وقۋداعدىلارىن دامىتۋمەن قاتار ماڭىزدى قوعامدىق جانە جەكە قۇندىلىقتاردى تاربيەلەۋگە ىقپال ەتەدى. جوبا قاتىسۋشىلارىنا ارنالعان ادەبيەت تىزىمدەرى جاس ەرەكشەلىكتەرىن ەسكەرە وتىرىپ قالىپتاستىرىلادى جانە قازاقستاندىق ءارى الەمدىك كلاسسيكا شىعارمالارىن قامتيدى.
قول قويىلعان مەموراندۋم اياسىندا تاراپتار رۋحاني، مادەني جانە ازاماتتىق قۇندىلىقتاردى تاربيەلەۋگە باعىتتالعان وقۋعا ۇسىنىلاتىن كىتاپتاردىڭ تىزىمدەرىن بىرلەسىپ قالىپتاستىرۋعا، جوبانىڭ ىرىكتەۋ جانە قورىتىندى كەزەڭدەرىنە ارنالعان سۇراقتاردى، ەسسە تاقىرىپتارىن جانە وزگە كونكۋرستىق ماتەريالداردى بىرلەسىپ ازىرلەۋگە، سونداي-اق كىتاپ وقۋدى دامىعان جانە زياتكەر ۇلتتىڭ نەگىزدەرىنىڭ ءبىرى رەتىندە ناسيحاتتاۋعا باعىتتالعان بىرلەسكەن ءىس-شارالاردى، اكتسيالاردى جانە باستامالاردى ۇيىمداستىرۋعا كەلىستى.
«بۇل مەموراندۋمعا قول قويۋ مەملەكەتتىك جانە قوعامدىق ۇيىمدار اراسىنداعى سەرىكتەستىكتى دامىتۋدىڭ ماڭىزدى قادامى. رەسپۋبليكالىق عىلىمي-پەداگوگيكالىق كىتاپحانا كىتاپ وقۋدى ىلگەرىلەتۋ سالاسىندا تاجىريبە مەن ساراپتاماعا يە جانە ءبىز «كىتاپ وقيتىن ۇلت» قورىمەن بىرىگىپ، كىتاپ وقۋدى ءاربىر قازاقستاندىقتىڭ ومىرىندە اجىراماس بولىككە اينالدىرۋعا اتسالىسامىز», — دەپ اتاپ ءوتتى رەسپۋبليكالىق عىلىمي-پەداگوگيكالىق كىتاپحانانىڭ ديرەكتورى اليا شۋراتوۆنا سايدەمباەۆا.
«كىتاپ وقيتىن ۇلت » جوباسى پيلوتتىق وڭىرلەردە ءوز تيىمدىلىگىن كورسەتتى، وندا جۇزدەگەن مىڭ ادام قاتىسۋدا. ەلدەگى جەتەكشى پەداگوگيكالىق كىتاپحانامەن ىنتىماقتاستىق جوبانى جاڭا دەڭگەيگە كوتەرەدى: ءپاتريوتيزمدى، ادامگەرشىلىك قۇندىلىقتاردى جانە سىني ويلاۋدى قالىپتاستىراتىن ادەبيەتتى ساپالى ىرىكتەۋدى، كاسىبي ساراپتامانى قامتاماسىز ەتەدى ءارى وقۋشىلاردى، ستۋدەنتتەردى، پەداگوگتەردءى جانە وتباسىلاردى ودان ءارى كەڭىنەن تارتۋعا مۇمكىندىك بەرەدى», — دەپ اتاپ ءوتتى «كىتاپ وقيتىن ۇلت – چيتايۋششايا ناتسيا» قوعامدىق قورىنىڭ تەڭ توراعاسى شىڭعىس جۇماعالي.
«كىتاپ وقۋ - بۇل جاي عانا داعدى ەمەس، ول مىقتى، رۋحاني باي جانە باسەكەگە قابىلەتتى ۇلت قالىپتاستىرۋدىڭ قۇرالى. وتانعا دەگەن سۇيىسپەنشىلىكتى، مادەنيەتكە قۇرمەتتى جانە بولاشاق الدىنداعى جاۋاپكەرشىلىكتى تاربيەلەيتىن كىتاپتاردى بىرلەسىپ ىرىكتەۋەلىمىزدىڭ رۋحاني جاڭارۋىنا ەلەۋلى ۇلەس قوسادى دەپ سەنەمىز. بيزنەس پەن قوعام وسىنداي باستامالاردى بەلسەندى قولداۋى ءتيىس، سوندا كىتاپ وقۋ شىنايى ۇلتتىق قۇندىلىققا اينالادى»، — دەدى قوردىڭ قامقورشىلار كەڭەسىنىڭ مۇشەسى ايمان مىرزاحمەتوۆا.
«كىتاپ وقۋ مادەنيەتىن دامىتۋ جاستار مەن بۇكىل قوعامنىڭ قۇندىلىق باعدارلارىن نىعايتۋمەن تىكەلەي بايلانىستى. كىتاپتار ارقىلى ءپاتريوتيزمدى، ەتيكانى، داستۇرگە قۇرمەتتى جانە ءوزىن-ءوزى دامىتۋعا ۇمتىلىستى ءتيىمدى جەتكىزۋگە بولادى. كىتاپحانا جانە قورمەن سەرىكتەستىگىمىز وسىنداي ادەبيەتكە قولجەتىمدىلىكتى كەڭەيتەدى، ال وقۋ پروتسەسىن ماعىنالى ەتەدى. بۇل قازاقستاننىڭ دامىعان جانە كىتاپ وقيتىن ۇلت رەتىندەگى بولاشاعىنا قوسىلعان ۇلەس»، — دەپ اتاپ ءوتتى قوردىڭ قامقورشىلار كەڭەسىنىڭ مۇشەسى ماقبال قۇساينوۆا.
جوبا «كىتاپ وقيتىن ۇلت – چيتايۋششايا ناتسيا» قوعامدىق قورىمەن «AMANAT» پارتياسىنىڭ، وڭىرلىك اكىمدىكتەردىڭ جانە بيزنەس-ارىپتەستەردىڭ قولداۋىمەن جۇزەگە اسىرىلۋدا. 2025 جىلدىڭ قىركۇيەگىندە جوبا پيلوتتىق رەجيمدە قاراعاندى وبلىسىندا، قوستاناي وبلىسىندا جانە شىمكەنت قالاسىندا باستالدى، وندا قازىر 189 مىڭنان استام ادام قاتىسۋدا. 2026 جىلى جوبا قازاقستاننىڭ بارلىق 20 وڭىرىنە كەڭەيتىلىپ، قاتىسۋشىلار سانى 1 ميلليوننان اسادى دەپ جوسپارلانۋدا.
