Bıyl Aqtóbe oblysynda uıymdastyrylǵan "Baqytty Bala-2021" baıqaýyna jeti elden jas daryndar kelgen. Oblys ákimi Ońdasyn Orazalın «Baqytty Bala» III balalar vokaldyq baıqaýynyń qazylar alqasymen jáne qurmetti qonaqtarymen kezdesti dep habarlaıdy "Adyrna" ulttyq portalynyń tilshisi.
Olardyń qatarynda Bolgarııa, Ózbekstan jáne Qazaqstan ókilderi - Nıkolaı Tekelıev, Sılvııa Andrıanalarımanga, Marat Áıtimov, Svetlana men Qanat Aıtbaevtar, Klara Tólenbaeva, Rýhııa Baıdúkenova jáne t.b. bar.
— Sizderdi Aqtóbe jerinde kórgenime qýanyshtymyn. "Baqytty Bala" baıqaýy ádemi dástúrge aınaldy. Ókinishke qaraı, shekteýlerge, qabattasqan pandemııaǵa baılanysty byltyr baıqaý ótken joq. Alaıda, bıyl kópshilik pen mádenıet salasyndaǵy shyǵarmashylyq qaıratkerleriniń suraýymen sharany uıymdastyramyz dep sheshtik, — dedi oblys ákimi.
Áńgimelesý kezinde qatysýshylar men qazylar alqasy baıqaýdyń uıymdastyrylýy men ótkizilýi joǵary deńgeıde ekenin atap ótti.
— Bári óte túsinikti, ádemi jáne uqypty uıymdastyrylǵan. Oblys ákimdiginiń bul sharaǵa belsendi ári tikeleı qatysyp otyrǵanyna tańǵalyp otyrmyn, sol úshin sizge bólek alǵys aıtamyn. Óıtkeni Bolgarııada memlekettik organdar mádenı sharalardy uıymdastyrýǵa kóp qatysa bermeıdi,- dedi qazylar alqasynyń múshesi, estetıka doktory Nıkolaı Tekelıev.
Qazylar alqasy qatysýshylardyń da deńgeıleri joǵary ekenin moıyndady.
Aıta ketý kerek, "Baqytty Bala" estradalyq ánder baıqaýy alǵash ret 2018 jyly ótti. Osy jyly negizgi baıqaýdan Greııa, Bolgarııa, Ázirbaıjan, Ýkraına, Reseı, Polsha jáne Qazaqstannnyń túrli óńirinen kelgen 10-16 jas aralyǵyndaǵy daryndy jastar ótti. Olardyń bári de 200 úmitker qatysqan dıstanııalyq irikteýden ótken.
***
Sonymen jas ónerpazdardyń juldyzyn jaqqan "Baqytty Bala" festıvaliniń bıylǵy jeńimpazy tarazdyq
Aılýn Zaýsheva boldy. Ol 1 mln teńgeniń sertıfıkatyn ıelendi. Júldeli I oryndy elimizdiń astanasy — Nur-Sultannan kelgen jas ónerpaz Adel Kýnadılova men bolgarııalyq Elızabet Saharıeva aldy.
Aılýn Zaýsheva boldy. Ol 1 mln teńgeniń sertıfıkatyn ıelendi. Júldeli I oryndy elimizdiń astanasy — Nur-Sultannan kelgen jas ónerpaz Adel Kýnadılova men bolgarııalyq Elızabet Saharıeva aldy.
"Baqytty Bala — 2021" festıvalinde eń kóp kútilgen marapattardyń biri Dımash Qudaıbergenniń arnaıy syılyǵy boldy. Nur-Sultan qalasynyń turǵyny Adel Kýnadılova shetelde ótetin Dımash Qudaıbergenniń konertine qatysyp, birge óner kórsetý múmkindigine ıe boldy.
Sonymen qatar dıplomant atanǵan 11 ónerpazǵa 100 myń teńgeden aqshalaı syılyq tabystaldy.
Aıta ketý kerek, atalǵan baıqaýda barlyq sanıtarlyq talaptar qatań saqtaldy.
"Adyrna" ulttyq portaly.
