بۇقارالىق سپورت: ماڭعىستاۋ وبلىسى رەسپۋبليكادا الدىڭعى ورىندا تۇر

1865
Adyrna.kz Telegram
بۇگىنگى كۇنى قازاقستاندىقتاردىڭ 31 پايىزى  عانا بۇقارالىق سپورتپەن اينالىسادى. ال ماڭعىستاۋ وبلىسىندا بۇل كورسەتكىش 36,4 %-دى  قۇراپ، 2020 جىلعى دەڭگەيگە قاراعاندا 11 959 ادامعا وسكەن دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسى اكىمىنىڭ ءباسپاسوز قىزمەتىنىڭ حابارلاۋىنشا، مۇنداي جەتىستىككە اۋلاداعى سپورت الاڭدارىنىڭ، كوشەدەگى جاتتىعۋ الاڭدارىنىڭ، بالالارعا ارنالعان سپورت مەكتەپتەرىنىڭ، جەكەمەنشىك جاتتىعۋ زالدارىنىڭ كوپتەپ سالىنۋى، سونىمەن قاتار سپورتشىلاردى تارتۋ باعىتىنداعى سپورت فەدەراتسيالارى مەن مامانداردىڭ جۇيەلى جۇمىستارى سەپتىگىن تيگىزۋدە.
بۇگىندە وبلىس بويىنشا 804 سپورت نىسانى جۇمىس ىستەيدى. ونىڭ 435-ءى جازىق دالادا ورنالاسقان الاڭدار مەن ۆوركاۋتتار. اۋىلدىق ەلدى مەكەندەرگە 210 الاڭ تۇرعىزىلعان.
بۇدان بولەك ايماقتا جابىق عيماراتاعى 32 سپورت كەشەنى بار. ونىڭ 13 اقتاۋ قالاسىندا ورنالاسقان. سپورت مەرەكەسى كۇنى سولاردىڭ بىرقاتارىن ايماق باسشىسى ارالاپ شىقتى.
س.ترۇموۆ الدىمەن وبلىستىق كاراتە-دو بويىنشا ماماندىرىلعان بالالار جانە جاسوسپىرىمدەر سپورت مەكتەبىنە باردى.
مۇندا 5-18 جاس ارالىعىنداعى بالالار مەن جاسوسپىرىمدەر كاراتە-دو، دزيۋدو، كيك – بوكسينگ، تاەكۆوندو، ۋشۋ سەكتسيالارىنا تەگىن قاتىسا الادى. مەكتەپتە جوعارى دەڭگەيدەگى 34 جاتتىقتىرۋشى 800 استام بالانى شىنىقتىرۋدا.
"سالاۋاتتى ءومىر سالتى – دەنى ساۋ ۇلت قالىپتاستىرۋدىڭ نەگىزگى شارتى" — دەپ مەملەكەت باسشىسى مالىمدەگەن بولاتىن. پرەزيدەنت بۇل ويىمەن بۇقارالىق جانە بالالار سپورتىن دامىتۋ ستراتەگيالىق باسىمدىق ەكەنىنە نازار اۋدارىپ وتىر. پرەزيدەنت تاپسىرماسىنا سايكەس، ءبىز 2025 جىلعا دەيىن ءوڭىر تۇرعىندارىنىڭ 45% سپورتقا تارتۋدى جوسپارلاپ وتىرمىز. وسى ماقساتتا جاڭا سپورت نىساندارىن سالىپ، ولاردى كەرەك-جاراقپەن تولىق جابدىقتاۋ مىندەتى تۇر", — دەدى س.ترۇموۆ.
سونداي-اق، وبلىس اكىمى “ماڭعىستاۋ ارەنا”جاسوسپىرىمدەر سپورت مەكتەبىنىڭ قىزمەتىمەن تانىستى.
امبەباپ دەنەشىنىقتىرۋ كەشەنىندە 7-16 جاسقا دەيىنگى ۇلدار مەن قىزدار كوركەم گيمناستيكا، سامبو، قازاقشا كۇرەس، شاحمات سىندى سپورتتىڭ 21 تۇرىنەن تەگىن جاتتىعا الادى. بيىل جاڭا وقۋ جىلىندا 22-ءشى اۋىر اتلەتيكادان ۇيىرمە اشىلادى. بۇگىندە بارلىعى 133 توپتا 1600 جۋىق بالا تاربەلەنىپ وتىر. 2021 جىلى وسى سپورت كەشەنىندە جاتتىعاتىن 19 سپورتشى قر چەميپوناتى مەن حالىقارالىق جارىستاردا توپ جارىپ، چەمپيون اتاندى.
وبلىس اكىمى مۇنداعى جاتتىقتىرۋشىلاردى سپورت مەرەكەسىمەن قۇتتىقتاپ، شاكىرت تاربيەلەۋدەگى ىستەرىنە تابىس پەن جەڭىس تىلەدى.
"ادىرنا" ۇلتتىق پورتالى.
پىكىرلەر