Bügıngı künı qazaqstandyqtardyŋ 31 paiyzy ǧana būqaralyq sportpen ainalysady. Al Maŋǧystau oblysynda būl körsetkış 36,4 %-dy qūrap, 2020 jylǧy deŋgeige qaraǧanda 11 959 adamǧa ösken dep habarlaidy "Adyrna" ūlttyq portaly.
Maŋǧystau oblysy äkımınıŋ baspasöz qyzmetınıŋ habarlauynşa, mūndai jetıstıkke auladaǧy sport alaŋdarynyŋ, köşedegı jattyǧu alaŋdarynyŋ, balalarǧa arnalǧan sport mektepterınıŋ, jekemenşık jattyǧu zaldarynyŋ köptep salynuy, sonymen qatar sportşylardy tartu baǧytyndaǧy sport federasiialary men mamandardyŋ jüielı jūmystary septıgın tigızude.
Bügınde oblys boiynşa 804 sport nysany jūmys ısteidı. Onyŋ 435-ı jazyq dalada ornalasqan alaŋdar men vorkauttar. Auyldyq eldı mekenderge 210 alaŋ tūrǧyzylǧan.
Būdan bölek aimaqta jabyq ǧimarataǧy 32 sport keşenı bar. Onyŋ 13 Aqtau qalasynda ornalasqan. Sport merekesı künı solardyŋ bırqataryn aimaq basşysy aralap şyqty.
S.Trūmov aldymen oblystyq karate-do boiynşa mamandyrylǧan balalar jäne jasöspırımder sport mektebıne bardy.
Mūnda 5-18 jas aralyǧyndaǧy balalar men jasöspırımder karate-do, dziudo, kik – boksing, taekvondo, uşu seksiialaryna tegın qatysa alady. Mektepte joǧary deŋgeidegı 34 jattyqtyruşy 800 astam balany şynyqtyruda.
"Salauatty ömır salty – denı sau ūlt qalyptastyrudyŋ negızgı şarty" — dep Memleket basşysy mälımdegen bolatyn. Prezident būl oiymen būqaralyq jäne balalar sportyn damytu strategiialyq basymdyq ekenıne nazar audaryp otyr. Prezident tapsyrmasyna säikes, bız 2025 jylǧa deiın öŋır tūrǧyndarynyŋ 45% sportqa tartudy josparlap otyrmyz. Osy maqsatta jaŋa sport nysandaryn salyp, olardy kerek-jaraqpen tolyq jabdyqtau mındetı tūr", — dedı S.Trūmov.
Sondai-aq, oblys äkımı “Maŋǧystau Arena”jasöspırımder sport mektebınıŋ qyzmetımen tanysty.
Ämbebap deneşynyqtyru keşenınde 7-16 jasqa deiıngı ūldar men qyzdar körkem gimnastika, sambo, qazaqşa küres, şahmat syndy sporttyŋ 21 türınen tegın jattyǧa alady. Biyl jaŋa oqu jylynda 22-şı auyr atletikadan üiırme aşylady. Bügınde barlyǧy 133 topta 1600 juyq bala tärbelenıp otyr. 2021 jyly osy sport keşenınde jattyǧatyn 19 sportşy QR Chemiponaty men halyqaralyq jarystarda top jaryp, chempion atandy.
Oblys äkımı mūndaǧy jattyqtyruşylardy sport merekesımen qūttyqtap, şäkırt tärbieleudegı ısterıne tabys pen jeŋıs tıledı.
"Adyrna" ūlttyq portaly.
