بۇگىن ەل تاۋەلسىزدىگىنىڭ 30 جىلدىعىنا وراي اقتاۋ قالاسىندا "Jastar" ستۋدياسى اشىلدى دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسى اكىمىنىڭ ءباسپاسوز قىزمەتى مالىمدەگەندەي، جاڭا ستۋديا وبلىستىق جاستار رەسۋرستىق ورتالىعىندا ورنالاسقان. ستۋديانىڭ العاشقى قوناعى بولعان وبلىس اكىمى سەرىكباي ترۇموۆ ماڭعىستاۋلىق جاستاردى مەرەكەلەرمەن قۇتتىقتاپ، ستۋديا جۇرگىزۋشىسىنىڭ سۇراقتارىنا جاۋاپ بەردى.
"بۇگىن ەرەكشە كۇن، جالىنداعان جاستارىمىزدىڭ مەرەكەسى. بارشا ماڭعىستاۋلىق جاستاردى وسىناۋ ايتۋلى مەرەكەمەن قۇتتىقتايمىن! بۇگىنگى اشىلىپ جاتقان «جاستار» ستۋدياسىنىڭ قادامى قۇتتى بولسىن! ەل ءۇمىتىن – ەر اقتار. ءسوزسىز، بۇگىنگى جاڭا بۋىن جاس تالاپ كۇش-قايراتى بويىندا بار كەزدە ەلى، ۇلتى ءۇشىن قىزمەت جاساۋعا مىندەتتى. ءوز وتانىن الەمنىڭ ەڭ دامىعان ەلدەرىنىڭ قاتارىنا قوسۋ – بىلىكتى دە سانالى ۇرپاقتىڭ قولىندا",- دەدى وبلىس اكىمى.
جاڭا ستۋديا بىرنەشە تاقىرىپتىق قابىرعالارعا بولىنگەن. بۇل ورتالىقتا جاستار ءتۇرلى تاقىرىپتا فوتو جانە ۆيدەو ونىمدەرىن جاساي الادى.
سونداي-اق قر تاۋەلسىزدىگىنىڭ 30 جىلدىعى قارساڭىندا «ماڭعىستاۋ جاستارى» ينتەرنەت پورتالى ىسكە قوسىلدى. بۇل پورتال جاستار ساياساتى سالاسىنداعى اتقارىلىپ جاتقان شارالار تۋرالى اقپارات الۋعا، اۆتورلىق جوبالارمەن نەمەسە جاڭالىقتارمەن بولىسۋگە، ۆولونتەرلىق توپتار مەن جاستار ۇيىمدارىنا مۇشەلىككە وتۋگە مۇمكىندىك بەرەدى.
بۇگىندە وبلىستا 14-29 جاس ارالىعىنداعى 150 مىڭنان استام جاس بار. ول وبلىس حالقىنىڭ 21%-ىن قۇرايدى. "ەڭبەك" مەملەكەتتىك باعدارلاماسى اياسىندا "باستاۋ بيزنەس" جوباسى بويىنشا ءوز ءىسىن باستاۋعا 240 جاس گرانت جانە 35 جاس شاعىن نەسيە الدى.
سونىمەن بىرگە "ديپلوممەن اۋىلعا" باعدارلاماسى بويىنشا اۋىلدارعا ەڭبەك ەتۋگە بارعان 250 مامانعا ءبىر جولعى كوتەرمە جاردەماقى بەرىلدى. سونداي-اق، 124 مامانعا جەڭىلدەتىلگەن تۇرعىن ءۇي نەسيەسى ۇسىنىلدى.
بيىل "جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان" باعدارلاماسى اياسىندا 6434 جاس جۇمىسقا ورنالاستىرىلدى. 2021-2022 وقۋ جىلىنا وبلىس اكىمىنىڭ 175 گرانتى تاعايىندالدى.
ايماقتا 50-گە جۋىق ۆولونتەرلىك توپتار مەن قايىرىمدىلىق ۇيىمدارى بار، ولاردىڭ قاتارىندا 3 مىڭعا جۋىق ەرىكتى قىزمەت ەتەدى.
ماڭعىستاۋ وبلىسىنىڭ ۆولونتەرلەر كورپۋسى پاندەميا كەزىندە وبلىس تۇرعىندارىنا كوروناۆيرۋستان قورعانۋ، توتەنشە جاعداي رەجيمىندەگى قاۋىپسىزدىك شارالارىن ساقتاۋ، كارانتيندە قيىن جاعدايعا تاپ بولعان الەۋمەتتىك جاعىنان وسال توپتاعى ازاماتتارعا قولداۋ كورسەتۋ باعىتىندا اۋقىمدى جۇمىس اتقارىپ كەلەدى.
"ادىرنا" ۇلتتىق پورتالى.
