Memleket basşysy būǧan deiın mal azyǧyn satyp alu jäne suarmaly jerlerdı igeru boiynşa naqty mındetter qoiǧan bolatyn. Jambyl oblysynyŋ äkımı Berdıbek Saparbaev ötken jeksenbıde jūmys saparymen Baizaq jäne Jambyl audandarynda boldy, onda Memleket basşysynyŋ tapsyrmalarynyŋ oryndalu barysymen, auyl şaruaşylyǧy daqyldaryn sumen qamtamasyz etu şaralarymen jäne egıstık alqabynyŋ jūmysymen tanysty, dep habarlaidy "Adyrna" ūlttyq portaly.
Jambyl oblysy äkımınıŋ baspasöz qyzmetınıŋ habarlauynşa, aimaq basşysy bırınşı bolyp Talas gidroelektrostansiiasyna barǧan.
Jalpy, oblys jerüstı su resurstarynyŋ şamamen 80% -yn transşekaralyq Şu men Talas arqyly alady. Būl jambyldyq şarualar jerdı sulandyru mäselesınde Qyrǧyz Respublikasyna täueldı ekenın bıldıredı. Al mūnda Kirov su qoimasynyŋ rölı öte maŋyzdy.
Berdıbek Saparbaevtyŋ aituynşa, ekı memleket arasyndaǧy özara kelısım nätijesınde qazırgı uaqytta Qyrǧyzstannan sekundyna 18 tekşe metr su tūraqty türde jetkızılude.
"Özderıŋız bıletındei, biyl jauyn -şaşynnyŋ az boluy fermerlerdıŋ jūmysyna kerı äserın tigızdı. Degenmen, alaŋdauǧa negız joq. Bızde qolda bar resurstardy ünemdep, ysyrap etpei, tiımdı paidalansaq, vegetasiialyq kezeŋdı josparly türde ötkızuge barlyq mümkındıkter bar. Būl rette maŋyzdylyǧyna qarai, rettei otyryp, egıs alqaptaryna sudy kezekpen beru qajet. Qant qyzylşasy ylǧalsyz qalmauy kerek, al joŋyşqanyŋ üşınşı nemese törtınşı kesımın aluymyz kerek, būǧan nazar audaryŋyz", - dedı oblys äkımı.
"Adyrna" ūlttyq portaly
Ūqsas jaŋalyqtar
