قازاقستاندىق بەلسەندى باعيلا بالتاباەۆا جىلدا ۇيىمداستىرىلاتىن فەمينيستەر شەرۋىنە قاتىستى جاڭا ەرەجە بەكىتىلگەنىن ايتىپ، ۇندەۋ جولدادى، دەپ حابارلايدى "ادىرنا" ۇلتتىق پورتالى.
8 ناۋرىز حالىقارالىق ايەلدەر كۇنىنە وراي فەمينيستىك بەلسەندى توپتاردىڭ اتىن جامىلعان لگبت ۇيىمدارىنىڭ شەرۋىنە نارازىلىعىن بىلدىرگەن بەلسەندى باعيلا بالتاباەۆا شەرۋگە تەك جالعىز ادامدىق پيكەت تۇرىندە شىعۋعا رۇقسات العانىن ايتتى.
"بىرنەشە جىلدان بەرى ايەل قۇقىعى، بالا قۇقىعى دەپ جالعان شەرۋ اتاۋىن جامىلىپ، لگبت جالاۋىن جەلبىرەتىن جۇرگەندەرگە قارسىلىعىمدى بىلدىرەمىن. ەندى وعان جول جوق. اكىمدىككە حابارلاسىپ جالعىز ادامدىق پيكەتكە شىعۋعا رەسمي تۇردە رۇقسات الدىم. ەندى ءبىرجىنىستىلاردىڭ تۋىن ۇستاپ شىعىپ، باسقا ماقساتتاعى ناسيحات جۇرگىزەتىندەرگە جول جوق" دەدى ول.
سونداي-اق، اتا-انالار اتىنان لگبت اتىنان ۇگىت-ناسيحات جۇرگىزەتىندەردىڭ ىسىنە قارسى ەكەنىن جەتكىزدى ول:
"ەلىمىزدە ازعىن دۇنيەلەردىڭ ءورشۋى! الماتى قالاسىنان باستاۋ العان فەمينيستتىك ۇيىمداردىڭ، ايەل قۇقىعى، بالا قۇقۇعى، زورلىق-زومبىلىق دەپ شەرۋگە، مارشقا، ميتينگتەرگە شىعىپ ءجۇر، ولاردىڭ نەنى كوزدەپ جۇرگەنىن شەرۋلەردى تولىق كورسەڭىز تۇسىنەسىزدەر! سوندىقتان، ءبىز قازاقستان اتا-انالارى ەلىمىزدە لگبت ۇيىمدارىنىڭ اشىق جانە جاسىرىن تۇردەگى ۇگىت-ناسيحاتتارىنا قارسىمىز! سونداي اق لگبت-نى ناسيحاتتاپ جۇرگەن فەمينيستتەردىڭ ۇيىمداستىرۋىمەن ءوتىپ جۇرگەن مارشتار مەن شەرۋلەرىنە تۇبەگەيلى قارسىمىز!" دەپ جازدى باعيلا بالتاباەۆا.
پوسموترەت ەتۋ پۋبليكاتسيۋ ۆ Instagram
