گرۋزيانىڭ بۇرىنعى پرەزيدەنتى، قازىرگى ۋكراينانىڭ رەفورما كەڭەسىنىڭ اتقارۋ كوميتەتىنىڭ باسشىسى ميحايل سااكاشۆيلي Facebook جەلىسىندەگى رەسمي پاراقشاسىندا اۋعانستاندا بولىپ جاتقان وقيعالارعا باعا بەردى، دەپ حابارلايدى «ادىرنا» ءتىلشىسى.
سااكاشۆيليدىڭ ايتۋىنشا، «تاليبان» قوزعالىسى اۋعانستانداعى بيلىكتى باسىپ الۋمەن شەكتەلمەيدى.
«ولاردىڭ كەلەسى ماقساتى ورتالىق ازيا بولادى جانە ونىڭ بارلىق دەرلىك ەلىندە قۇلدىراۋعا دايىن رەجيمدەر عانا ەمەس، سونىمەن قاتار رەسەي ءۇشىن وڭتۇستىكتەن يسلام دىنىنە ۇلكەن شابۋىل جاساۋدىڭ وتە ىستىق كەزەڭى بار»،– دەدى ول.
ساياساتكەر اۋعانستانداعى وقيعالاردان ساباق الۋ قاجەتتىگىن اتاپ ءوتتى.
«اۋعانستان – بۇل بارلىق حالىق ءۇشىن، ءبارىمىز ءۇشىن ساباق. امەريكالىقتار كۇرەسۋگە دەگەن ەرىك-جىگەرىڭىزدى كورسەتسەڭىز عانا كومەكتەسە الادى. ەگەر گرۋزين اسكەرى 2008 جىلى ەرلىكپەن شايقاسپاسا، امەريكالىقتار ولارعا ءوز كۇشتەرىن جىبەرمەس ەدى. بۇل رەسەيدىڭ ۋكراينا تۋرالى كۇزگى جوسپارلارىنا دا قاتىستى. الەم وتە تەز وزگەرۋدە، سوندىقتان بارىنە دايىن بولۋ كەرەك", - دەپ جازدى سااكاشۆيلي.
«ادىرنا» ۇلتتىق پورتالى
