توكيو وليمپياداسىنىڭ جەڭىمپازى البەرت باتىرگازيەۆ قازاقستاندىقتارعا
العىسىن جەتكىزدى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
توكيو وليمپياداسىندا بوكستان التىن جۇلدە العان رەسەيلىك سپورتشىنىڭ اتا-اناسى 90-شى جىلدارى جاڭاوزەن قالاسىندا تۇرىپ، جەمىستى ەڭبەك ەتكەن. تۇڭعىش بالالارى قازاق جەرىندە دۇنيەگە كەلدى.
«وبلىس اكىمى س.ترۇموۆ جەرلەستەرىنە جانكۇيەر بولىپ، جەڭىسىنە قۋانعان ماڭعىستاۋ جۇرتشىلىعىنىڭ اتىنان البەرتتىڭ اتا-اناسىنا قۇتتىقتاۋ جولداعان بولاتىن. البەرت بوكستان التىن العان جالعىز رەسەيلىك سپورتشى بولعاندىقتان كۇندە جوعارى دەڭگەيدەگى كەزدەسۋ، قابىلداۋلارعا قاتىسۋدا. ۋاقىتىنىڭ تىعىزدىعىنا قاراماستان بۇگىن ول ماڭعىستاۋلىقتاردىڭ جىلى لەبىزىنە قۋانىپ، العىسىن بەينەجازبا ارقىلى جولداپ جىبەرىپتى»،– دەلىنگەن حابارلامادا.
ۆيدەودا سپورتشى سەنىم ارتىپ، جانكۇيەر بولعان تىلەۋلەستەرىنە راقمەتىن ايتتى.
«ادىرنا» ۇلتتىق پورتالى
