ماڭعىستاۋ توتەنشە جاعدايلارعا دايىن با؟

2184
Adyrna.kz Telegram

قازاق «اپات ايتىپ كەلمەيدى» دەپ تەككە ايتپاعان. وتكەن جىلى ماڭعىستاۋ وبلىسىنىڭ بىرقاتار اۋدانىندا بولعان تابيعي اپاتتار حالىقتى ەسەڭگىرەتتى. بيىل توتەنشە جاعدايدىڭ الدىن الۋ بويىنشا قانداي شارالار جۇزەگە اسىرىلىپ جاتىر؟ وسى جانە وزگە دە سۇراقتاردىڭ جاۋابىن الۋ ءۇشىن «ادىرنا» ءتىلشىسى وبلىستىق توتەنشە جاعدايلار دەپارتامەنتىنىڭ باسشىسى مۇرات مۇحانوۆپەن تىلدەستى.

ەل ىشىندە تابيعي جانە تەحنوگەندىك اپاتتاردىڭ الدىن الۋ بويىنشا قانداي شارالار ۇيىمداستىرىلىپ جاتىر؟

– توتەنشە جاعدايلاردىڭ الدىن الۋ ءۇشىن ماڭعىستاۋ وبلىسى توتەنشە جاعدايلار دەپارتامەنتىنىڭ قىزمەتكەرلەرى كوپتەگەن پروفيلاكتيكالىق ۇگىت –ناسيحات جۇمىستارىن جۇرگىزەدى، ياعني تەلەارنالاردا تىكەلەي ەفيردە باعدارلامالارعا شىعادى، ءورت جانە سۋداعى قاۋىپسىزدىك ەرەجەلەرىن، سونىمەن قاتار، تابيعي جانە ۋلى گازدان ادامداردىڭ ۋلانۋىنىڭ الدىن الۋ ماقساتىندا، تۇرعىن ۇيلەردى، تەڭىز جاعالاۋلارىن ارالاپ، جادنامالار تاراتادى. قاۋىپسىزدىك ەرەجەلەرى باق بەتتەرىنە شىعارىلادى، راديودا اۋديولار جىبەرىلىپ، راديودا تىكەلەي ءافير ارقىلى جەتكىزەدى. بريفينگتەر ۇيىمداستىرىلىپ، تەلەارنالاردىڭ قاتىسۋىمەن پروفيلاكتيكالىق ءىس-شارالار ۇيىمداستىرىلىپ وتىرادى.
سونىمەن قاتار جىل سايىن ءبىلىم بەرۋ باسقارماسىمەن بىرىگىپ «ونلاين» رەجيمىندە ينتەراكتيۆتى ساباقتار جۇرگىزىلەدى.
دەپارتامەنت تاراپىنان ساناتتار بويىنشا ءبولىپ، دارىستەر وقىلادى.

– «وبلىس توتەنشە جاعدايلارعا دايىن» دەپ ايتۋعا تولىق نەگىز بار ما؟

– قر توتەنشە جاعدايلار مينيسترلىگىنىڭ، ماڭعىستاۋ وبلىسىنىڭ توتەنشە جاعدايلار دەپارتامەنتىنىڭ جۇمىس جوسپارىنا سايكەس، وبلىستا توتەنشە جاعدايلار ورىن الۋ قاۋپى بار ماسەلەلەر بويىنشا، توتەنشە جاعدايلاردىڭ الدىن الۋ ماقساتىندا جوسپارلى تۇردە ءاربىر توقسان سايىن جانە قاجەتتىلىگىنە قاراي جوسپاردان تىس ماڭعىستاۋ وبلىسىنىڭ توتەنشە جاعدايلاردىڭ الدىن الۋ جانە جويۋ جونىندەگى كوميسسياسىنىڭ وتىرىسى وتەدى.
سونداي-اق تابيعي جانە تەحنوگەندىك سيپاتتاعى توتەنشە جاعدايلاردى جويۋ كەزىندە شەكارالاس ايماقتارمەن بىرلەسە ارەكەت ەتۋ، توتەنشە جاعدايلارعا ازىرلىكتى جانە ءىس-قيمىلداردى قامتاماسىز ەتۋدىڭ اۋماقتىق جوسپارلارى بەكىتىلەدى.

جاڭاوزەن قالاسى بويىنشا قازىرگى تاڭدا جوسپارلانعان درەناج جۇيەسىنىڭ قۇرىلىسى 100% اياقتالدى (جالپى ۇزىندىعى 22 شاقىرىم).

مۇنايلى اۋدانىندا جەرگىلىكتى بيۋدجەت ەسەبىنەن 5440 م. درەناج جۇيەسىنىڭ قۇرىلىسى جۇزەگە اسىرىلدى، ونىڭ ىشىندە باسقۇدىق اۋىلىندا-724 م، اتامەكەن اۋىلىندا-4716 م. ارقايسىسى ونىمدىلىگى 40 م3 بولاتىن 4 قۇدىق جانە 6 سورعى قوندىرعىسى ورناتىلدى. جينالعان سۋلار باسقۇدىق اۋىلىنان سۋ ايداۋ ناسوسى ارقىلى قوشقار اتا كولىنە، اتامەكەن اۋىلىنان زاوزەرنىي ەلدى مەكەنىنىڭ جانىنداعى «ويماشى» كولىنە جىبەرىلەدى. قازىرگى ۋاقىتتا جۇمىستار سۋ باسۋدىڭ نەگىزگى ۋچاسكەلەرىندە جۇرگىزىلدى. ناتيجەسىندە ەلدى مەكەندەردىڭ 17 كوشەسىندە سۋ باسۋدان 500-گە جۋىق ءۇيدىڭ تولىق قاۋىپسىزدىگى قامتاماسىز ەتىلدى.

حالىق پەن اۋماقتىڭ كوكتەمگى كەزەڭدەگى تج قاۋىپسىزدىگىن قامتاماسىز ەتۋ بويىنشا الدىن الۋ شارالارىن قابىلداۋ ماقساتىندا دەپارتامەنت مىناداي جۇمىستار جۇرگىزۋدە:

– «سۋ تاسقىنىنا قارسى ءىس-شارالار جوسپارى» جاساقتالدى جانە وبلىس اكىمىنىڭ ورىنباسارىمەن بەكىتىلدى;
– «نوسەر جاۋىنداعى قارعىن سۋدان ەلدى مەكەندەردى، اۆتوموبيل جانە تەمىر جولدارىن قورعاۋ بويىنشا كۇشتەر مەن قۇرالداردىڭ، سۋاعار قۇرىلىستارىنىڭ دايىندىعى تۋرالى» ماسەلەسى بويىنشا وبلىستىق تج كوميسسياسىنىڭ وتىرىستارى وتكىزىلىپ وتىرادى. ناتيجەسىندە جەرگىلىكتى قالا جانە اۋدان اكىمدىكتەرىنە، ءتيىستى مەملەكەتتىك ورگاندارمەن كاسىپورىندارعا كوكتەمگى سۋ تاسقىنىنىڭ الدىن الۋ بويىنشا ناقتى تاپسىرمالار بەرىلدى.
سۋ تاسقىنى زارداپتارىنىڭ الدىن الۋ جانە جويۋ ءۇشىن ينەرتتى ماتەريالدار، (قۇم سالىنعان) قورى دايىندالادى جانە جانار-جاعارماي ءۇشىن شارتتار، تاماقتانۋ ءۇشىن شارت بار.

وبلىس بويىنشا بارلىق اۆتوجولداردا جانە تەمىر جولداردا سۋ وتكىزۋ قۇرىلىستارى بار. جىل سايىن ءتيىستى مەردىگەر مەكەمەلەر سۋ وتكىزۋ قۇرىلىستارىنا تازارتۋ جۇمىستارىن جۇرگىزۋدە.
دەپارتامەنتپەن اۆاريالىق قۇتقارۋ جۇمىستارىن جۇرگىزۋگە ادام، تەحنيكا، موتوپومپالار جانە ءجۇزۋ قۇرالدارى دايىن.
سونىمەن قاتار، رەسپۋبليكالىق جانە وبلىستىق كولەمدە وتكىزىلەتىن وقۋ- جاتتىعۋلاردا جەكە قۇرامنىڭ بىلىكتىلىگى ارتتىرىلىپ، جۇمىلدىرىلاتىن تەحنيكالار سانى شىعارىلىپ، قۇزىرلى ورگاندارمەن جاسالاتىن جۇمىستاردىڭ ءوزارا ءىس-ارەكەتتەرى جەتىلدىرىلىپ وتىرادى.

نەگىزىندە، وبلىستا قىس كەزى قارسىز وتەدى. الايدا، وبلىستا قار باسۋ قاۋىپتى ايماقتار ەنگىزىلگەن. قار قۇرساۋىندا قالۋى مۇمكىن ادامدارعا ارنالعان رەسپۋبليكالىق جانە وبلىستىق اۆتوجولداردا جىلىتۋ پۋنكتتەرىنىڭ سانى ناقتىلانىپ وتىرادى (وبلىستا 12 قار باسۋ قاۋىپتى ايماق بار. قار قۇرساۋىندا قالۋى مۇمكىن ادامدارعا ارنالعان 20 جىلىتۋ پۋنكتى جۇمىس جاسايدى، ونىڭ ىشىندە رەسپۋبليكالىق اۆتوجولداردا – 13, وبلىستىق اۆتوجولداردا – 7). ماڭعىستاۋ وبلىسى اۋماعىندا تابيعي جانە تەحنوگەندى سيپاتتاعى توتەنشە جاعدايلار ورىن العان جاعدايدا، وبلىس بويىنشا توتەنشە جاعدايلار دەپارتامەنتىنىڭ جەكە قۇرامى، كۇشتەرى مەن قۇرالدارى توتەنشە جاعدايلاردىڭ الدىن الۋ جانە جويۋ جۇمىستارىن جۇرگىزۋگە تولىققاندى دايىن.

توتەنشە جاعدايلار دايىندىعىنا قىزمەتكەرلەردىڭ دە بىلىمدىلىگى دە اسەر ەتەدى.
2018 جىلى باۋتينو پورتىندا «TENIZ – 2018» حالىقارالىق كەشەندى جاتتىعۋى وتكىزىلدى، وندا قر ءىىم توتەنشە جاعدايلار كوميتەتىنىڭ بولىمشەلەرىنەن باسقا كاسپي جانىنداعى مەملەكەتتەردىڭ توتەنشە جاعدايلار بولىمشەلەرى قاتىستى (رف، ءازىربايجان رەسپۋبليكاسى، تۇركمەنىستان رەسپۋبليكاسى). قاراۋ ءۇشىن كاتار مەملەكەتىنىڭ وكىلدەرى قاتىستى.

2021 جىلعى 30 شىلدەدە اقتاۋ قالاسىندا «پريمورسكي-1» شاعىن اۋدانىندا جاڭا سۋدا قۇتقارۋ ستانتسياسىنىڭ سالتاناتتى اشىلۋ ءراسىمى ءوتتى.

سۋدا قۇتقارۋ ستانتسياسى اقتاۋ قالاسىنداعى ەڭ زاماناۋي بەكەت بولىپ تابىلادى. كاسپي تەڭىزىنىڭ ۇزىندىعىن ەسكەرە وتىرىپ، توتەنشە جاعدايلارعا تۇراقتى ازىرلىكتى جانە جەدەل دەن قويۋدى قامتاماسىز ەتۋ ءۇشىن سۋدا قۇتقارۋ ستانتسياسىن سالۋ قاجەتتىلىگى تۋىندادى. تەڭىز جاعاسىندا كوپتەگەن دەمالىس ايماقتارى مەن بازالارى بار.

جەدەل-قۇتقارۋ جاساعى قۇتقارۋ كاتەرلەرىمەن، سۇڭگۋىرلىك جانە سۋدا قۇتقارۋ جابدىقتارى مەن كەرەك-جاراقتارىمەن جابدىقتالعان.

ماڭعىستاۋ وبلىسى اۋماعىنا 4 ءورت ءسوندىرۋ دەپوسى جەتكىلىكسىز (اقتاۋ قالاسىنا - 2; تۇپقاراعان اۋدانى، سايىن شاپاعات اۋىلىنا - 1; مۇنايلى اۋدانى، باتىر اۋىلىنا - 1).
مەملەكەتتىك باعدارلامالار شەڭبەرىندە قازاقستان رەسپۋبليكاسىنىڭ ءورت قاۋىپسىزدىگى سالاسىنداعى مەملەكەتتىك ساياساتىنىڭ باسىم باعىتتارىن ىسكە اسىرۋ بويىنشا كەشەندى شارالار قابىلدانۋدا. جاڭا ءورت ءسوندىرۋ دەپوسى 2020 جىلدىڭ 25 جەلتوقسانىندا ماڭعىستاۋ وبلىسى، مۇنايلى اۋدانى، باسقۇدىق اۋىلىندا اشىلدى. جاڭا ءورت ءسوندىرۋ دەپوسىندا 58 كاسىبي ءورت ءسوندىرۋشى قىزمەت ەتەدى. ءورت ءسوندىرۋ دەپوسى جالپى اۋدانى 8000 ش.م. جەر ۋچاسكەسىندە ورنالاسقان. ءورت ءسوندىرۋ بولىمشەسى 36 019 ادام جانە 4573-تەن استام تۇرعىن ءۇيى بار باسقۇدىق اۋىلىنىڭ ەلدى مەكەن تۇرعىندارىن ورتتەن قورعاۋدى قامتاماسىز ەتەدى. مۇنايلى اۋدانىنىڭ تۇرعىندارى ءۇشىن ءورت ءسوندىرۋ دەپوسىن اشۋدىڭ ماڭىزدىلىعى زور.

كەرەمەت! ال وبلىستا قاۋىپتىڭ الدىن الۋ ءۇشىن ناقتى قانداي شارالار اتقارىلىپ جاتىر؟

وبلىس كولەمىندە توتەنشە جاعدايلاردىڭ الدىن الۋ ماقساتىندا كوپتەگەن شارالار اتقارىلۋدا. اتاپ ايتقاندا:
- سۋ تاسقىنىڭ الدىن الۋ ءۇشىن سۋ اعارلارمەن، ارىقتار تازارتىلادى. تج كەزىندە قولداناتىن ينەرتتى ماتەريالدار، جانار-جاعارماي، رەزەرۆ قاراجات قورلارى، ەۆاكۋاتسيالاناتىن پانالار ازىرلىككە كەلتىرىلەدى;
- بيىلعى سۋ تاسقىنى كەزەڭىندە جەرگىلىكتى اتقارۋشى ورگاندارمەن بىرلەسىپ سۋ تاسقىنى زارداپتارىنىڭ الدىن الۋ جانە جويۋ ءۇشىن 1670 توننادان استام ينەرتتى ماتەريالدار، 3290 قاپ (قۇم سالىنعان) قورى جانە جانار-جاعارماي ءۇشىن 19 نيەت-شارت، تاماقتانۋ ءۇشىن 124 شارت دايىندالدى. وبلىس بويىنشا بارلىعى 1336 (اۆتوكولىك جولىندا 783, تەمىر جولدا 583) سۋ وتكىزۋ قۇرىلىستارىنا تازارتۋ جۇمىستارى جۇرگىزىلدى;
- ءورت قاۋىپتى كەزەڭدە دەر كەزىندە تج-عا ارەكەت ەتۋ ماقساتىندا عارىشتىق مونيتورينگ ارقىلى باقىلاۋ جۇرگىزىلەدى;
- ءورت قاۋىپتى، سۋعا ءتۇسۋ ماۋسىمى، جىلىتۋ ماۋسىمى كەزەڭدەرىندە كۇندەلىكتى تۇردە قاۋىپسىزدىك ەرەجەلەرىن ساقتاۋ بويىنشا پروفيلاكتيكالىق جۇمىستار جۇرگىزىلەدى. اتالعان شارالارعا مەملەكەتتىك ەمەس جانە ۆولونتەرلىق ۇيىم وكىلدەرى، باق وكىلدەرى، جەرگىلىكتى اتقارۋشى ورگان وكىلدەرى جۇمىلدىرىلادى.

سونىمەن قاتار، از جۇمىلدىرىلعان توپتارعا، ياعني، از قامتىلعان وتباسىلارعا، مۇگەدەكتەرگە، جالعىز باستى زەينەتكەرلەرگە كوپ نازار اۋدارىلدى، وسىعان وراي تۇرعىلىقتى جەرلەرى بويىنشا ءتۇسىندىرۋ جۇمىستارى جۇرگىزىلدى.
جىل سايىن جاز مەزگىلى باستالۋىمەن كاسپي تەڭىزى جاعالاۋىنا دەمالىسقا كەلەتىن قىدىرۋشىلار سانى دا ارتىپ وتىر.
وسىعان وراي شومىلۋ ماۋسىمىندا ستاتيستيكا بويىنشا سۋداعى قاۋىپسىزدىك ەرەجەسىن ساقتاماعاندىقتان قازا بولعاندار سانى جانە زارداپ شەككەندەر سانى ارتادى.
كۇندەلىكتى دەپارتامەنتتىڭ قۇرىلىمدارىمدىق بولىمشەلەرمەن شومىلۋ ماۋسىمىنا دايىندىق كەزىندە جانە شومىلۋ ماۋسىمى كەزىندە تۇرعىنداردى جانە قوناقتاردى سۋداعى قاۋىپسىزدىك ەرەجەلەرىن ساقتاۋ بويىنشا كەڭ اۋقىمدى ۇگىت –ناسيحات جۇمىستارى جۇرگىزىلەدى.
شومىلۋ ماۋسىمى باستالعاننان باستاپ جەدەل-قۇتقارۋ جاساعىنىڭ (جقج) كۇشتەرى قىزمەت وتكەرۋدىڭ كۇشەيتىلگەن تۇرىنە اۋىستىرىلدى. سۋعا ءتۇسۋ ءۇشىن قاۋىپتى ۋچاسكەلەردە كەزەكشىلىكتى جۇزەگە اسىراتىن 5 ءموبيلدى بەكەتتەر ۇيىمداستىرىلدى.
سونداي-اق، كۇن سايىن دەپارتامەنتتىڭ قۇرىلىمدىلىق جەرگىلىكتى جانە ۆەدومستۆولىق كۇشىمەن سۋ ماڭىندا كوپشىلىك دەمالاتىن ورىندارعا پاترۋلدەۋ جانە رەيدتەر جۇرگىزىلەدى.
وسىعان بايلانىستى، دەپارتامەنت، جەرگىلىكتى پوليتسيا قىزمەتى جانە قازاقستان رەسپۋبليكاسىنىڭ ۇلتتىق ۇلان 6656 اسكەري بولىمشەسى اراسىندا ءۇش جاقتى «رەيدتەر مەن پاترۋلدەۋ وتكىزۋدىڭ جوسپار-كەستەسى» جوسپارىنا قول قويىلىپ، بەكىتىلگەن ۋاقىتقا سايكەس رەيدتىك جۇمىستار جۇرگىزىلەدى.
2021 جىلدىڭ 7 ايى بويىنشا بۇقارالىق اقپارات قۇرالدارىندا 868 (2020 - 602) ءسوز سويلەۋ ۇيىمداستىرىلدى، ونىڭ ىشىندە تەلەديداردا – 152 (2020 - 99), باسپا باسىلىمدارىندا – 214 (2020 - 183), اقپاراتتىق اگەنتتىكتەردە – 380 (2020 – 256), راديوەفيردە – 122 (2020 - 64).
داۋىس زورايتقىش ارقىلى -974 رەت (2020 جىلى –209 رەت) جەتكىزىلدى.
الەۋمەتتىك جەلىدە بارلىعى 1510 (2020 جىلى - 453) شىقتى.

بۇگىندە (2021 جىلدىڭ 7 ايى بويىنشا) "قازترانسگازايماق" اق جانە "رتسكۋ-اكتاۋ" جشس مەردىگەرلىك ۇيىمدارىنىڭ مالىمەتىنە سايكەس، وبلىس اۋماعىنداعى تۇرعىن ۇيلەر مەن پاتەرلەردە بارلىعى 2 841 گاز تالداعىش قۇرىلعىلارى ورناتىلعان.

بۇدان بولەك، جىلىتۋ ماۋسىمىنا دايىندىق جانە ونى وتكىزۋ شەڭبەرىندە قالالار مەن اۋداندار اكىمدىكتەرىنىڭ قاراجاتى ەسەبىنەن وبلىستا حالىقتىڭ الەۋمەتتىك وسال توپتارىنىڭ ۇيلەرىندە 985 گاز تالداعىش قۇرىلعىلارى ورناتىلدى (ونىڭ ىشىندە قاراقيا اۋدانىندا-300, تۇپقاراعاندا – 200, ماڭعىستاۋدا – 15, بەينەۋدە-470).
سونىمەن قاتار، وبلىستىڭ قالالارى مەن اۋداندارىندا جالپى سوماسى 22 ملن.713 مىڭ تەڭگەدەن اساتىن 2 310 گاز تالداعىش داتچيكتەرىن قوسىمشا ورناتۋ جوسپارلانىپ وتىر. (مۇنايلى اۋدانىندا – 10 ملن.800 مىڭ تەڭگە سوماسىنا 1200 دانا، تۇپقاراعان اۋدانىندا – 1 ملن. تەڭگە سوماسىنا 150 دانا، ماڭعىستاۋ اۋدانىندا-1 ملن. 600 مىڭ تەڭگە سوماسىنا 160 دانا.، اقتاۋ - 759 8 ملن 329 مىڭ تەڭگە سوماسىنا.، جاڭاوزەن – 41 984 مىڭ تەڭگە سوماسىنا.).

بيىل 7 ايدىڭ ىشىندە ورتتەردە ادامداردىڭ قازا بولۋى مەن جاراقاتتانۋىنىڭ الدىن الۋ ماقساتىندا، ونىڭ ىشىندە جىلىتۋ ماۋسىمى كەزەڭىندە 244 مىڭنان استام (244 908) ادامدى قامتي وتىرىپ، 49 مىڭنان استام (49 500) تۇرعىن ءۇي سەكتورىن ارالاۋ وتكىزىلدى. ءورت قاۋىپسىزدىگى تاقىرىبىنا جادىنامالار، بۋكلەتتەر جانە نۇسقاۋلىقتار تاراتىلىپ، 2 430-دان استام ادامدى قامتي وتىرىپ، 18 جينالىس جانە حالىق جيىنى ۇيىمداستىرىلدى، 66875 جادناما تاراتىلدى.

سۋعا شومىلۋ ماۋسىمىنىڭ وتكەن كەزەڭىندە سۋداعى قاۋىپسىزدىك شارالارى تۋرالى بارلىعى 75 مىڭنان استام دانا (75 370) ۇگىت-ناسيحات ونىمدەرى تاراتىلدى.

ۇگىت-ناسيحات جۇمىستارىن جۇرگىزۋ ءۇشىن حالىقتى جۇمىسپەن قامتۋ ورتالىعىنان قوعامدىق-ەرىكتى جاساق ەرىكتىلەرىنىڭ 30 ادامى قاتىسقانىن اتاپ وتكەن ءجون، سونداي-اق كۇن سايىن ۇكىمەتتىك ەمەس ۇيىمداردان 817 ۆولونتەر تارتىلدى.
قالالار مەن اۋداندار اكىمدىكتەرى جاعالاۋ ايماقتارىندا قازا بولعاندار مەن زارداپ شەككەن ادامداردىڭ ستاتيستيكالىق دەرەكتەرى كورسەتىلگەن 26 تىيىم سالۋ بەلگىلەرى مەن 30 ستەند ورناتىلدى.

تەڭىزدەگى قۇقىقتىق ءتارتىپ ماسەلەلەرىن جەرگىلىكتى پوليتسيا قىزمەتى باقىلايدى، ولارمەن بىرگە 359 رەيد جۇرگىزىلدى.

قازىرگى تاڭدا وبلىستاعى ءورت ءسوندىرۋ قىزمەتىنىڭ يەلىگىندە قانشا تەحنيكا بار؟

وبلىس اۋماعىندا تۇرعىنداردى جانە ءتۇرلى شارۋاشىلىق جۇرگىزۋ سۋبەكتىلەرىن قورعاۋ ماقساتىندا 12 ءورت ءسوندىرۋ ءبولىمى (3 مامانداندىرىلعان ءورت ءسوندىرۋ ءبولىمى جانە 9 ءورت ءسوندىرۋ ءبولىمى) جۇمىس جاساۋدا.

كۇنى بۇگىندە قىزمەت بولىمشەلەرىنىڭ ءورت ءسوندىرۋ جانە قۇتقارۋ اۆتوموبيلدەرى پاركىندە ءتۇرلى فۋنكتسيونالدىق ماقساتتاعى 117 بىرلىك تەحنيكا بار.

2020 جىلى رەسپۋبليكالىق بيۋدجەت ەسەبىنەن 4-بىرلىك اتس-5-40 كاماز-43253, 1-بىرلىك اتس-5-40 كاماز-43118 جانە 1-بىرلىك ال-32 كاماز-43253 ساتىپ الىندى. 2021 جىلى جەرگىلىكتى اتقارۋشى ورگانمەن 1 بىرلىك اۆتوتسيستەرنا (اتس-5-40) جانە 1 بىرلىك اۆتوساتى (ال-32) الىندى.

قىزمەت بولىمشەلەرى 2021 جىلدىڭ 1-جارتىجىلدىعىندا دابىل بويىنشا 742 رەت شىعۋدى جۇزەگە اسىردى. ءورت ءسوندىرۋ كەزىندە 9 ادام قۇتقارىلدى (2020 جىلدىڭ ۇقساس كەزەڭىندە – 9), 281 ادام قاۋىپسىز جەرگە كوشىرىلدى.

سۇقباتىڭىزعا راقمەت! جۇمىستارىڭىزعا ساتتىلىك تىلەيمىز!

اڭگىمەلەسكەن ديانا اسان،

«ادىرنا» ۇلتتىق پورتالى

پىكىرلەر