ەرجان اشىقپاەۆ: بۇۇ قاۋىپسىزدىك كەڭەسىندەگى توراعالىق - قازاقستان ديپلوماتياسى ءۇشىن ۇلكەن سىناق

3140
Adyrna.kz Telegram

بۇۇ قاۋىپسىزدىك كەڭەسىندەگى توراعالىعى كەزىندە قازاقستان 20-عا جۋىق شارانى وتكىزۋدى جوسپارلاپ وتىر. وسىلايشا، ءبىر ايدىڭ ىشىندە xالىقارالىق قاۋىپسىزدىككە ارنالعان ءبىراز ماسەلەلەر تالقىلانباق، دەپ xابارلايدى قازاقپارات حالىقارالىق اگەنتتىگى.

ء"بىزدىڭ توراعالىعىمىز اياسىندا وتەتىن ماڭىزدى شارالاردىڭ ءبىرى - جاپپاي قارۋ-جاراقتى تاراتپاۋعا ارنالعان تاقىرىپتىق بريفينگ. اتالعان بريفينگ 18 قاڭتاردا ۇيىمداستىرىلادى. وعان بۇۇ باس xاتشىسى انتونيو گۋتەررەستىڭ ءوزى كەلىپ، ءسوز سويلەمەكشى. قاۋىپسىزدىك كەڭەسىنىڭ باسقا دا تۇراقتى جانە تۇراقتى ەمەس مۇشەلەرى قاتىسادى. بۇدان بولەك، قازاقستان ءوزارا سەنىم شارالارىنا باسىمدىق جاسايدى. سەبەبى بۇگىندە xالىقارالىق قاۋىمداستىقتا، اسىرەسە، ءىرى دەرجاۆالار اراسىندا سەنىم تاپشىلىعى بارىنشا بايقالادى. ونسىز ءتيىمدى ىنتىماقتاستىقتى دامىتۋ مۇمكىن ەمەس. سول سەبەپتى ءبىز الداعى بريفينگتە اتالعان ەكى ماسەلەگە باسا نازار اۋدارامىز", - دەدى قر سىرتقى ىستەر ۆيتسە-ءمينيسترى ەرجان اشىقباەۆ بۇگىن استانادا وتكەن ءباسپاسوز ءماسليxاتىندا.

جوسپارعا سايكەس، 19 قاڭتاردا بۇۇ قاۋىپسىزدىك كەڭەسى اياسىندا مينيسترلىكتەر پىكىرتالاسىن ۇيىمداستىرۋ جوسپارلانعان. تاقىرىبى - ورتالىق ازيا مەن اۋعانستاندا ايماقتىق ارىپتەستىكتى دامىتۋ. بۇدان بولەك، گۋمانيتارلىق كومەك بەرۋ ماسەلەسى كەڭىنەن تالقىلانادى. سەبەبى بۇگىندە الەم بويىنشا ونداي كومەكتىڭ كولەمى ازايدى. جالپى، قازاقستاننىڭ توراعالىعى اياسىندا 16 شارا ۇيىمداستىرىلادى. سول كەزدە سيريا، يراك، سۋدان، ليۆيا، مالي، كونگو، يەمەن جانە كيپر ماسەلەلەرىن تالقىعا سالۋ جوسپارلانىپ وتىر.

"شىنى كەرەك، بۇۇ قاۋىپسىزدىك كەڭەسىنىڭ توراعالىعى قازاقستان ديپلوماتياسى ءۇشىن ۇلكەن سىناق. بۇل دا تاجىريبە، بۇل دا مەكتەپ. دەگەنمەن، ءبىز ول سىناققا دايىنبىز", - دەپ اتاپ كورسەتتى ە.اشىقباەۆ.

ايتا كەتەيىك، 1 قاڭتاردان باستاپ قازاقستان تاريحتا تۇڭعىش رەت بىرىككەن ۇلتتار ۇيىمىنىڭ قاۋىپسىزدىك كەڭەسى توراعاسىنىڭ وكىلەتتىلىگىن ورىنداۋعا كىرىستى. وسىعان وراي، قازاقستاننىڭ بۇۇ جانىنداعى تۇراقتى وكىلدىگىندە الداعى جۇمىس جوسپارى تالقىلاندى.

18 قاڭتاردا جاپپاي قىرىپ-جويۋ قارۋلارىن تاراتپاۋعا ارنالعان جوعارى دەڭگەيدەگى تاقىرىپتىق بريفينگ وتەدى. وعان بىرقاتار ەلدەردىڭ باسشىلارى مەن مينيسترلەرى قاتىسادى. بريفينگتە قازاقستان پرەزيدەنتى نۇرسۇلتان نازارباەۆ ءسوز سويلەيدى دەگەن جوسپار بار. قازاقستاننىڭ توراعالىعى 31 قاڭتارعا دەيىن جالعاسادى.


ارمان اسقاروۆ،

قازاقپارات

پىكىرلەر