سىبايلاس جەمقورلىققا قاۋقارلى كۇرەس قاجەت

1917
Adyrna.kz Telegram

سىبايلاس جەمقورلىق - ەشبىر ەل ساقتانا المايتىن ناعىز جاھاندىق پروبلەماعا اينالدى. سىبايلاس جەمقورلىق ماسەلەسى ادامدارعا، قوعامداستىقتارعا جانە بۇكىل ەلدەرگە جاعىمسىز اسەر ەتەدى; دەموكراتيالىق پروتسەستەرگە نۇقسان كەلتىرەدى، ادىلەتسىزدىكتى كۇشەيتەدى جانە كەدەيلىكتى ارتتىرادى; نەگىزگى مەملەكەتتىك قىزمەتتەردى كورسەتۋدىڭ تيىمدىلىگىن تومەندەتەدى، بيزنەس جۇرگىزۋ قۇنىن ارتتىرادى جانە دامۋعا باعىتتالعان ينۆەستيتسيالاردى ازايتادى.

وسىلايشا، سىبايلاس جەمقورلىق تۇراقتى دامۋدىڭ بارلىق ءۇش ولشەمىنە تەرىس اسەرىن تيگىزۋدە: ەكونوميكالىق، الەۋمەتتىك جانە ەكولوگيالىق تۇرعىدا.
بارلىق ەلدەرگە اسەرىن تيگىزگەن COVID-19 پاندەمياسىنىڭ باستالۋىمەن سىبايلاس جەمقورلىقتىڭ جاعىمسىز سالدارى ايقىندالا باستادى. COVID-19 بۇكىل الەم بويىنشا دەنساۋلىق ساقتاۋ جۇيەسىندەگى جانە مەملەكەتتىك قىزمەتتەردى كورسەتۋدەگى وسالدىقتاردى، مەملەكەتتىك قاراجاتتى ماقساتسىز پايدالانۋ، وسال كەلىسىمشارتتىق پروتسەدۋرالار مەن الاقول باسقارۋدىڭ سانسىز وقيعالارىن انىقتاپ بەردى.قازاقستان سىبايلاس جەمقورلىقتىڭ الدىن-الۋ سۇراقتارىنا ۇلكەن نازار اۋدارا وتىرىپ، وعان قارسى ءىس-قيمىلدى ءارى قاراي جالعاستىرۋدا. 2008 جىلى بىرىككەن ۇلتتار ۇيىمىنىڭ سىبايلاس جەمقورلىققا قارسى كونۆەنتسياسىن راتيفيكاتسيالاۋى وسى پروتسەستىڭ ماڭىزدى كەزەڭى بولدى. 2019 جىلى GRECO-عا كىرۋ ارقىلى قازاقستان مەملەكەتتىك جانە جەكە سەكتورلارداعى ادالدىقتى نىعايتۋعا جانە سىبايلاس جەمقورلىققا قارسى كۇرەسۋگە ءوزىنىڭ مىندەتتەمەلەرىن راستادى. 2019 جىلى قازاقستان سىبايلاس جەمقورلىقتى قابىلداۋدىڭ الەمدىك يندەكسىندەگى رەيتينگىن 124-ورىننان (2018 ج.) جوعارىلاتىپ، 198 ەلدىڭ ىشىندە 113-ورىنعا كوتەرىلدى.پاندەميا باستالىسىمەن قازاقستان ۇكىمەتى، كاسىپكەرلىك سەكتور جانە ازاماتتىق قوعام، جەكە قارىم-قاتىناستى بارىنشا ازايتۋ شارالارىن قابىلداپ، قاشىقتان جۇمىس اتقارۋ فورماتىنا كوشتى. ورتالىق جانە جەرگىلىكتى ءوزىن-ءوزى باسقارۋ ورگاندارى قوعامدىق باقىلاۋ توپتارىمەن بىرگە ءدارى-دارمەكتەردى، ازىق-تۇلىك پەن قاجەتتى تاۋارلاردى ءتيىمدى تاراتۋدى، سونداي-اق حالىقتىڭ وسال توپتارىنىڭ قۇقىقتارىن قورعاۋدى قامتاماسىز ەتۋگە ۇلكەن كۇش جۇمسادى. سىبايلاس جەمقورلىقتىڭ الدىن-الۋ بۇكىل الەم بويىنشا بۇۇ دب جۇمىسىنىڭ ءوسىپ كەلە جاتقان باعىتى بولىپ تابىلادى. زاڭنامانى وزگەرتۋ، ەسەپ بەرۋ جۇيەسىن جەتىلدىرۋ جانە جاڭا تەحنولوگيالاردى پايدالانۋ ارقىلى بۇۇ دب-نىڭ جاھاندىق باستامالارى سىبايلاس جەمقورلىقسىز ورتا قۇرۋعا كومەكتەسەدى. قازاقستانداعى بۇۇ دب قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ۇزاق مەرزىمدى سەرىكتەسى بولا وتىرىپ، ەلدەگى سىبايلاس جەمقورلىقتان ادا ينستيتۋتتاردى قۇرۋعا باعىتتالعان بىرقاتار ماڭىزدى باستامالاردى، ونىڭ ىشىندە مەملەكەتتىك قىزمەتكە ەتيكالىق ينستيتۋتتاردى ەنگىزۋ، مەملەكەتتىك جانە جەكە سەكتورلاردا ادالدىق قاعيداتتارىن ازىرلەۋ، سىبايلاس جەمقورلىققا قارسى ستاندارتتاردى ازىرلەۋدى، سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋدى قولدادى.

پىكىرلەر