پلانەتاداعى عىلىمى مەن تەحنولوگياسى دامىعان، وركەنيەتتىڭ كوشىن باستاعان ەلدەردىڭ بارلىعىن ۇلتشىلدار باسقارادى. ءدۇبارالار باسقارىپ، 30 باسەكەلەس ەلدىڭ قاتارىنان ورىن العان مەملەكەتتىڭ ورنى الەمنىڭ ەشبىر ەلىنىڭ تاريحىندا جازىلماپتى. ءدۇبارالار باسقارعان ەلدەردە ءدىلى جوق، جارتىلاي ادام، جارتىلاي حايۋاندار عانا باستى ءرولدى ۇستاپ الادى.
نەگە؟
سەبەبى، ءتىلى مەن ءدىلى بۇزىلعان، ۇلتتىق بولمىسىنان ايىرىلىپ قالعان كەز كەلگەن پەندە ساتقىن، جەمقور، زۇلىم، ۇلت دەگەن تۇسىنىكتەن ماھرۇم بولىپ قالادى. تەك قانا قارىننىڭ عانا قامىن عانا ويلايتىن كوسموپوليتكە اينالادى. ءبىزدىڭ قازىرگى وكىمەتتەگى وتىرعان ادامداردىڭ باسىم بولىگى وسىنداي ماڭگۇرتتەر.
سوندا كەيىن ۇلتشىلدار باسقارعان ەلدەردىڭ عىلىمى مەن تەحنولوگياسى دا وزدەرىنىڭ (انا تىلىندە) تىلدەرىندە سويلەيدى. عىلىم مەن تەحنولوگياعا باسىمدىق بەرگەن ەلدەردىڭ بارلىعى وركەنيەتتىڭ كوشىن سۇيرەپ بارا جاتىر. انىقتاپ قاراڭىز، ولاردىڭ بارلىعى دا وزدەرىنىڭ انا تىلىندە وركەنيەتتىڭ كوشىن باستاپ جاتىر. قازىر يلون ماسك ۇشاقتان ەكى ەسە جىلدام وتاربانى ىسكە ەكسپەريمەنت رەتىندە ەكسپلۋاتاتسياعا شىعاردى. ۇلتشىلدار باسقارعان ەلدەردە كەل كەز كەلگەن جاس دارىندىعا بارلىق مۇمكىنشىلىكتى اشىپ بەرگەن. ولاردىڭ ىشكى پوتەنتسيالىن تەك جاقسىلىققا عانا جۇمسايدى. ونىڭ عىلىم مەن بىلىمگە قۇشتارلىعىن وياتىپ، جۇمىس جاساۋىنا بارلىق جاعداي جاسالادى. ەل سوندىقتان وركەندەپ داميدى.
جاپونيا، وڭتۇستىك كورەيا، سينگاپۋر، اقش سياقتى عىلىم مەن تەحنولوگيا دەرجاۆالارىنىڭ جاس بالالاردى جاستايىنان وقۋ مەن بىلىمگە باۋلۋ، جول كورسەتۋى مەن باعىت كورسەتكەنىنە زەر سالساڭىز، قازاقتىڭ ءدال قازىرگى جاعدايى ەسىڭە ءتۇسىپ، كوزىڭنەن جاس شىعادى. ەگەر دە وركەنيەتتى مەملەكەت بولامىن دەگەن نيەتڭمڭز بولسا، بارلىق سالاعا ۇلتىم دەسە ىشكەن اسىن ۇمىتاتىن ۇلتشىل جاستارعا عانا تىزگىندى ۇستاتۋ كەرەك.
بەكبولات قارجان،
"ادىرنا" ۇلتتىق پورتالى
