شىمكەنت: "تسۆەتليت" جشس جۇمىسى قارقىندى

981
Adyrna.kz Telegram

ەلىمىزدەگى ەڭ ءىرى ءاليۋميندى سىم يلەمدەرىن وندىرەتىن زاۋىت شىمكەنتتە! بۇگىندە «وڭتۇستىك» يندۋستريالدى ايماعىندا ورنالاسقان «تسۆەتليت» ءوندىرىس وشاعىنىڭ جۇمىسى قارقىندى.

«تسۆەتليت» جشس – ەنەرگەتيكالىق سىمدار مەن كابەلدەردى ءوندىرۋ بويىنشا زاماناۋي، يننوۆاتسيالىق، قارقىندى دامىپ كەلە جاتقان كاسىپورىن. زاۋىت 2014 جىلى «دامۋ» قورىنىڭ كاسىپكەرلەردى قولداۋ باعدارلاماسى كومەگىمەن 6% سۋبسيديالانعان نەسيە الىپ، قۇرىلىسىن باستاعان.  2015 جىلى العاشقى  ءونىمىن شىعاردى. جىلدىق قۋاتتىلىعى 36 مىڭ توننا. 950 ملن ينۆەستيتسيا كولەمىمەن باستاۋ العان كاسىپورىن، بۇگىندە قۇنىن 1.5 ملرد تەڭگەگە جەتكىزگەن.

بەكجان ايتكۇلوۆ – «تسۆەتليت» جشس زاۋىتىنىڭ  باسشىسى «الداعى ۋاقىتتا ءوندىرىسىمىزدى كەڭەيتۋگە شارالار قولدانىپ جاتىرمىز. ناۋرىز ايىندا بالعان قۇرىلىس اياقتالىپ، 2-3 كۇندە جاڭا لينيانى قوسامىز»

اتالمىش كاسىپورىن اليۋميني سىمدارى مەن قورىتپالارىن شىعارۋمەن اينالىسادى. مۇنداعى شيكىزاتتار وتاندىق ءونىم. ماسەلەن، قورىتپالار ارنايى پاۆلودار قالاسىنان جەتكىزىلەدى. تولىقتاي يتاليانىڭ تەحنولوگيالارىمەن جابدىقتالعان ءوندىرىس وشاعىنىڭ 3 ءتۇرلى ءونىمى بار. ءونىمىنىڭ 80%-ى قازاقستاندى، ال 20%-ى شەت ەلدى اليۋميني ونىمدەرىمەن  قامتاماسىز ەتەدى.  اتاپ ايتساق، وڭتۇستىكتەن كابەل، ترانسفورماتور وندىرەتىن جانە تەمىرتاۋ مەتاللۋرگ زاۋىتىنان سۇرانىس جوعارى.

عالىمجان اككوزوۆ - «تسۆەتليت» جشس زاۋىتىنىڭ باس مەحانيگى – «مەن مۇندا 2015 جىلدان بەرى جۇمىس جاسايمىن. جۇمىس وزىمە ۇنايدى. ىندەتكە بايلانىستى ۆاكتسينانىڭ 2 كومپونەنتىن دە سالدىردىم. جاعدايىم جاقسى»

بۇگىندە زاۋىتتا 100-گە جۋىق ادام جۇمىسپەن قامتىلىپ وتىر. ولاردىڭ دەنى جەرگىلىكتى جانە قالا تۇرعىندارى. زاۋىت باسشىسى قىزمەتكەرلەرگە بارلىق جاعدايدى جاساعان.  جوعارى جالاقى، ۋاقىتىلى ۇيلەرىنە جەتكىزۋ قىزمەتكەرلەردىڭ جۇمىسقا دەگەن ىنتاسىن ودان سايىن اشاتىن كورىنەدى.

 

بالنۇر ءجۋمادىللا

 

پىكىرلەر