شىمكەنتتە 2 مىڭداي جۇمىسكەردىڭ جالاقى قارىزى ءوندىرىلدى

1113
Adyrna.kz Telegram

شىمكەنتتە جىل باسىنان بەرى 2 مىڭداي جۇمىسكەردىڭ جالاقى قارىزى ءوندىرىلدى. ينسپەكتورلار وسى ۋاقىت ارالىعىندا قالاداعى 35 كاسىپورىندا جۇمىس ىستەيتىن ەڭبەككەرلەردىڭ 166,5 ملن. تەڭگە كولەمىندە ەڭبەكاقىسىن تولەتكىزىپ بەرگەن. بۇل تۋرالى بۇگىن شىمكەنت قالاسى مەملەكەتتىك ەڭبەك ينسپەكتسياسى باسقارماسىنىڭ باسشىسى باۋىرجان قالجانوۆ مالىمدەدى.

ايتۋىنشا، بيىلعى 6 ايدا ءۇشىنشى مەگاپوليستە ەڭبەك داۋلارىنا قاتىستى ۇزىن سانى 600-گە جۋىق  ارىز-شاعىم تۇسكەن. وسى ۋاقىت ارالىعىندا مەملەكەتتىك ەڭبەك ينسپەكتورلارى جۇزدەن استام تەكسەرۋ جۇرگىزىپ، ەڭبەك قاتىناستارىندا 200-گە جۋىق زاڭبۇزۋشىلىقتى انىقتاپتى. ەڭبەك داۋلارىنا قاتىستى ارىزدار نەگىزىنەن بالاباقشا قىزمەتكەرلەرى مەن كۇزەتشىلەردەن، قىزمەت كورسەتۋ سالالارىنىڭ وكىلدەرىنەن تۇسەدى دەيدى سالا باسشىسى. ايتا كەتەيىك، قازىردىڭ وزىندە قالاداعى 5 كاسىپورىننىڭ  15 ملن. تەڭگە كولەمىندە جالاقى قارىزى بار. ماماندار 90 جۇمىسكەردىڭ «ماڭداي اقى، تابان تەرىن» تولەتۋ ءۇشىن بارىن سالىپ جاتىر دەيدى باسقارما باسشىسى.

باۋىرجان قالجانوۆ، شىمكەنت قالاسى مەملەكەتتىك ەڭبەك ينسپەكتسياسى باسقارماسىنىڭ باسشىسى

 «ارىز شاعىمدار سانى بيىلدىققا 10 پايىزعا ءوسىپ وتىر. دەگەنمەن، پاندەميا جاعدايى ەڭبەك نارىعىنا قاتتى اسەر ەتىپ وتىر دەۋگە نەگىز جوق. كارانتيننىڭ جەڭىلدەتىلگەن تۇستارىن پايدالانىپ كوپتەگەن جۇمىس بەرۋشى كاسىپورىندار جۇمىسىن جۇرگىزىپ جاتىر...»

 

م.رىسباەۆا

پىكىرلەر