پرەزيدەنتتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا شىمكەنت اكىمى مۇرات ايتەنوۆ قالا دامۋىنداعى نەگىزگى ماسەلەنىڭ ءبىرى - ينجەنەرلىك ينفراقۇرىلىم ەكەنىن اتاپ ءوتتى.ونىڭ ايتۋىنشا، قالانىڭ 75 پايىزى جەكە تۇرعىن ۇيلەردەن جانە شاعىن ەلدى مەكەندەردەن قۇرالادى. 81 ەلدى مەكەننىڭ 41-ءى جاڭادان قوسىلعان، ينفراقۇرىلىمدىق احۋالى كۇردەلى اۋماقتار.«ينفراقۇرىلىمدىق دامۋ قالانىڭ 5 جىلدىق جوسپارىندا قامتىلعان.
ءبىرىنشى كەزەكتە، حالىقتى ساپالى اۋىز سۋمەن قامتۋ نازارعا الىندى. بۇگىنگى تاڭدا 5 ەلدىمەكەن جارتىلاي، 7 ەلدىمەكەن سۋ تاسىمالىمەن قامتىلعان. ۇكىمەت قولداۋىمەن 16 ملرد. تەڭگەگە 14 نىساننىڭ قۇرىلىسى جۇرگىزىلۋدە. ناتيجەسىندە اۋىز سۋ ماسەلەسى 2023 جىلى تولىعىمەن شەشىلەد»،-دەدى قالا اكىمى. قالا باسشىسى سونداي-اق كارىز جۇيەسى ماسەلەسىنە دە توقتالىپ ءوتتى. ونىڭ ايتۋىنشا، شاھارداعى 63 ەلدى مەكەندە كارىز جۇيەلەرى جوق. قولدانىستاعى شايىندى سۋ تازارتۋ كەشەنىنىڭ قۋاتى جەتپەيدى. بيىل 13 نىساننىڭ قۇرىلىسى جۇرگىزىلۋدە. ناتيجەسىندە، كارىز جۇيەسىمەن قامتۋ دەڭگەيى 54 پايىزعا جەتەدى.
شىمكەنت ينفراقۇرىلىم ساپاسىن ارتتىرۋدى ماقسات تۇتادى
قالا جولدارىنىڭ ۇزىندىعى – 3 247 شاقىرىم. ونىڭ 37 پايىزىندا اسفالت توسەلمەگەن. بيىل 163 كوشەدە كۇردەلى جانە ورتاشا جوندەۋ جۇمىستارى باستالدى. ناتيجەسىندە، قاناعاتتانارلىق جولداردىڭ ۇلەسى 64 پايىزعا جەتەدى. سونىمەن بىرگە اكىم 16 ەلدى مەكەندە ەلەكتر ەنەرگياسىنىڭ ساپاسى تومەن ەكەنىن ايتىپ، وسىنى جويۋ ماقساتىندا بيىل وسى سالادا 14 نىساننىڭ قۇرىلىسى باستالعانىن ءمالىم ەتتى. حالىقتى ساپالى ەلەكترمەن قامتۋ ماسەلەسى 2025 جىلى تولىعىمەن شەشىلەدى. ال، 33 ەلدىمەكەن تابيعي گازبەن جارتىلاي قامتىلسا، 8 ەلدىمەكەنگە گاز تارتىلماعان. گاز تاراتۋ ستانتسيالارىنىڭ قۋاتتىلىعى جەتكىلىكسىز. بيىل گازبەن قامتۋ بويىنشا 18 نىساننىڭ قۇرىلىسى جۇرگىزىلۋدە. گازداندىرۋ ماسەلەسى 2023 جىلى تولىعىمەن شەشىلەدى.
