Prezıdenttiń tóraǵalyǵymen ótken Úkimettiń keńeıtilgen otyrysynda Shymkent ákimi Murat Áıtenov qala damýyndaǵy negizgi máseleniń biri - ınjenerlik ınfraqurylym ekenin atap ótti.Onyń aıtýynsha, qalanyń 75 paıyzy jeke turǵyn úılerden jáne shaǵyn eldi mekenderden quralady. 81 eldi mekenniń 41-i jańadan qosylǵan, ınfraqurylymdyq ahýaly kúrdeli aýmaqtar.«Infraqurylymdyq damý qalanyń 5 jyldyq josparynda qamtylǵan.
Birinshi kezekte, halyqty sapaly aýyz sýmen qamtý nazarǵa alyndy. Búgingi tańda 5 eldimeken jartylaı, 7 eldimeken sý tasymalymen qamtylǵan. Úkimet qoldaýymen 16 mlrd. teńgege 14 nysannyń qurylysy júrgizilýde. Nátıjesinde aýyz sý máselesi 2023 jyly tolyǵymen sheshiled»,-dedi qala ákimi. Qala basshysy sondaı-aq káriz júıesi máselesine de toqtalyp ótti. Onyń aıtýynsha, shahardaǵy 63 eldi mekende káriz júıeleri joq. Qoldanystaǵy shaıyndy sý tazartý kesheniniń qýaty jetpeıdi. Bıyl 13 nysannyń qurylysy júrgizilýde. Nátıjesinde, káriz júıesimen qamtý deńgeıi 54 paıyzǵa jetedi.
ShYMKENT INFRAQURYLYM SAPASYN ARTTYRÝDY MAQSAT TUTADY
Qala joldarynyń uzyndyǵy – 3 247 shaqyrym. Onyń 37 paıyzynda asfalt tóselmegen. Bıyl 163 kóshede kúrdeli jáne ortasha jóndeý jumystary bastaldy. Nátıjesinde, qanaǵattanarlyq joldardyń úlesi 64 paıyzǵa jetedi. Sonymen birge ákim 16 eldi mekende elektr energııasynyń sapasy tómen ekenin aıtyp, osyny joıý maqsatynda bıyl osy salada 14 nysannyń qurylysy bastalǵanyn málim etti. Halyqty sapaly elektrmen qamtý máselesi 2025 jyly tolyǵymen sheshiledi. Al, 33 eldimeken tabıǵı gazben jartylaı qamtylsa, 8 eldimekenge gaz tartylmaǵan. Gaz taratý stanııalarynyń qýattylyǵy jetkiliksiz. Bıyl gazben qamtý boıynsha 18 nysannyń qurylysy júrgizilýde. Gazdandyrý máselesi 2023 jyly tolyǵymen sheshiledi.