شىمكەنتتە حالىقارالىق شاحمات كۇنىنە وراي ەسكەرتكىش اشىلدى. ورتالىق ساياباقتا ورناتىلعان شاحمات فيگۋراسىنىڭ بيىكتىگى - 3 م، سالماعى - 4 توننا. ساۋلەتتى ءمۇسىندى «شىمكەنت - قازاقستاننىڭ شاحمات استاناسى» اتانۋىنا وراي «Black Rock Business» جشس-ءى وكىلى باۋىرجان مىرزاتاەۆ شىمكەنت قالاسىنا سىي رەتىندە تارتۋ ەتتى.
«شىمكەنت – قازاقستاننىڭ شاحمات استاناسى» اتانۋ ساتىندە قالامىزدا ونى ايعاقتايتىن ارنايى ەسكەركىشتىڭ بولۋى ماڭىزدى. جەرگىلىكتى تۇرعىندار مەن شاحمات جانكۇيەرلەرى ءۇشىن ورتالىق ساياباق نەگىزگى ورىنعا اينالىپ ۇلگەرگەن. سوندىقتان شاحمات فيگۋراسىنا وسى ورىن تاڭدالىپ الىنعان. سونداي-اق، بۇگىن شىمكەنتتە شاحماتتان جاسوسپىرىمدەر اراسىندا قر چەمپيوناتى باستاۋ الدى. سپورتتىق سايىستىڭ باستى ماقساتى - حالىقارالىق شاحمات ارەناسىندا قازاقستاننىڭ وڭ ءيميدجىن قالىپتاسىرا وتىرىپ، شىمكەنتتى زياتكەرلىك شاھارعا اينالدىرۋ. كوپتەگەن حالىقارالىق دودالاردا ءانۇرانىمىزدى شىرقاتا بىلگەن العاشقى گروسسمەيستەرلەر رينات جۇماباەۆ، گۇلىسحان ناحباەۆا جانە جانسايا ابدىمالىك، گۇلميرا داۋلەتوۆا شىمكەنت قالاسىنىڭ تۋماسى. سونداي-اق قازاقستاندا تۇڭعىش رەت شىمكەنت مەكتەپتەرىندە شاحمات ويىنى ەنگىزىلدى. وڭىرلەردە شاحماتتى كوپشىلىككە ناسيحاتتاۋ- بۇكىل ەلدىڭ شاحماتشىلارىنىڭ شىعارماشىلىق بايلانىسىن نىعايتۋعا مۇمكىندىك بەرەدى.
