تەمىرتاۋدا ەرەكشە توي ءوتتى. مەيرامحاناعا جاسىرىن جينالعاندار مونيتورينگتىك توپ كەلگەندە عيماراتتىڭ باسقا جاعىنان شىعىپ قاشقان. بىرەۋلەرى دالاعا جۇگىرسە، ەندى ءبىرى پوليتسيانىڭ كولىگىن كورىپ، كەرى قاشقان. بەينەجازبادان ولاردىڭ اراسىندا بالالاردىڭ دا بار ەكەنىن بايقاۋعا بولادى. قالا اكىمدىگىنىڭ دەرەگىنشە، 9 تامىزدا «102» قىزمەتىنە تەمىرتاۋداعى Grand Hall مەيرامحاناسىنا كوپ ادامنىڭ جينالعانى تۋرالى حابارلاما تۇسكەن. الايدا، عيماراتتىڭ اكىمشىلىگى مونيتورينگتىك توپتى كىرگىزبەي، الەك سالىپتى. بۇل تۋرالى «ەۋرازيا» ءبىرىنشى ارناسىنا سىلتەمە جاساپ "ادىرن"اۇلتتىق پورتالى حابارلايدى.
: "مونيتورينگتىك توپ كەلگەننەن كەيىن فاكت راستالدى. الايدا مەكەمە اكىمشىلىگى عيماراتقا كىرۋگە رۇقسات بەرۋدەن باس تارتتى. كەلۋشىلەر جاسىرىن ەسىكتەن قاشقان" دەيدى گۇلنۇر ابدىعاليەۆا، قالا اكىمدىگىنىڭ ءباسپاسوز حاتشىسى.
جەرگىلىكتى اكىمدىكتىڭ مالىمەتى بويىنشا، مەيرامحانا يەسىنە 670 مىڭ تەڭگە ايىپپۇل سالىنادى. ايتا كەتەيىك، قازىرگى تاڭدا قاراعاندى وبلىسى كوروناۆيرۋستىڭ تارالۋى بويىنشا «قىزىل ايماق» ساناتىندا تۇر.
"ادىرنا" ۇلتتىق پورتالى
