بۇلاي سۇراۋىمنىڭ سەبەبى: سوتقا جازعان ارىزىن قايتارىپ السا دا، ساكەندى قارالاۋ ارەكەتىنىڭ قاساقانا توقتاماۋى، ءتىپتى ءورشىپ كەتۋى.
بولماسا، «دەموكرات» جاستار ادىلەتسىزدىكتى ساكەننەن ەمەس، مىسالى ايتالىق، بۇكىل مەملەكەت بايلىعىن توناپ، قازاقتى وسىنداي بيشارا كۇيگە تۇسىرگەن - ا. ماشكەۆيچ، ل. ميتتال، قالا بەردى وتكەن جىلدارى 1 ملن $ پارا الىپ جاتقانى تەلەديدار ارقىلى كورسەتىلگەن كەدەنشى پاك پا لي مە، ت.ب. سونداي تولىپ جاتقان باسقا جاقتان ىزدەۋى كەرەك ەمەس پە؟ جوق، «دەموكراتتار» «تۇيە جۇتقاندى ەمەس، تۇيمە جۇتقاندى» بىتپەيتىن جىرعا اينالدىرىپ وتىر.
قىزىعى - وسى «بىتپەيتىن جىردى» ايتقىزىپ جاتقاندار، ەلدەگى باسقا دا باي وليگارحتىق توپتار مەن سول - «تۇيە جۇتقاندار» ەمەس پە؟ ويتكەنى، كۇندەردىڭ كۇنىندە قازاقتىڭ بايلىعىنىڭ ەسەبىن سۇرايتىن، وسى - ۇلتشىلدار! سوندىقتان، ۇلتشىلداردى قىزمەتكە تارتىپ، ونى ادەيى بىلىققا باتىرۋ - بۇل توناۋشىلاردىڭ سۇيىكتى ءىسى!
مىنە، ساكەندى حالىق كوزىنە «قىلمىسكەر» ەتىپ كورسەتۋدىڭ باستى سەبەبى وسى بولسا كەرەك.
ساكەن مايعازيەۆ كەزىندە جەر تۋرالى، الماتىداعى گەي كلۋبتارى تۋرالى، جالپى ۇلتتىق مۇددە تۋرالى ونەر ادامدارىنىڭ ىشىندەگى ءوز ويىن اشىق ايتقان ادام.
سوندىقتان، ساكەنگە قارسى ارەكەتتەردى - ۇلتشىلداردىڭ اۋىزىن جابۋ امالدارىنىڭ ءبىرى دەپ قاراعان - قاتەلىككە سوقتىرمايدى. قازاقتى، قازاقتىڭ جەرىن، قارىنداستىڭ نامىسىن قورعايتىندار: وسى «قىلمىسكەر» - ساكەن مايعازيەۆ، «دورەكى» - قالدىبەك قۇرمانالى ، سوسىن ءسىز بەن ءبىز. ەڭ الدىمەن وسى جاعىن ويلاعان دۇرىس.
ال «دەموكرات» جاستاردى قورعايتىندار كوپ: ەۋروپا، اقش، قىتاي، رەسەي،... كەتە بەرەدى
رەتى كەلىپ تۇرعاندا، تاعى ءبىر ويىمدى ايتايىن.
ءبىزدىڭ قازاققا قازىر «سىپايى» دەموكراتتارعا قاراعاندا، «دورەكى» - قالدىبەك قۇرمانالى سياقتى ءوزى ۇلتشىل جانە وزگە ۇلتشىلداردى ەشكىمنەن قايمىقپاي قورعايتىن ادامدار قاجەت! وسى بولسا، سىپايىلىقتى قايتارىپ الا الامىز. ال ۇلتشىلدارسىز، ۇلتتى جويىپ العان سوڭ، جالاڭ سىپايىلىقپەن قالساق، ۇلتىمىزدى قايتارىپ الا المايمىز! وسىنى ۇمىتپاۋ كەرەك.
جالپى ۇلتشىلدار تۋرالى سىن، اسىرەسە ءمىن ايتىلعاندا «ەكى قاراپ، ءبىر شوقىعان» ابزال. سەبەبى ۇلتشىل ادام ۇرلىق جاسامايدى! ساكەننىڭ دە ۇرلىق جاساعانىنىڭ ۇستىنەن تۇسكەن ەشكىم جوق.
ۇلتشىل ادام نە بىلمەي جاسايدى، نە ونى الداپ بىلىققا قاساقانا تىعادى! بۇل ەكى جاعدايدا دا ۇلتشىلدى اقتاپ الۋ - قانى قازاقتىڭ پارىزى. باسقاشا جاعدايدا، ادەتتەگىدەي، مايعازيەۆ ەمەس، ودان ملن، ملرد ەسە كوپ كولەمدە ماشكەۆيچ الىپ، ونىسىن يزرايلگە كومەككە جىبەرەدى. ول ءالى دە سولاي جاساپ ءجۇر. جاساي بەرەدى دە. بىراق ءبىز ماشكەۆيچتى «كورمەيمىز»، مايعازيەۆ تۇر عوي...
P.S. مايعازيەۆ ەشقانداي اقشا جەگەن جوق! قانشا السا، السىن! ول ونىڭ ەڭبەك اقىسى. مىڭداعان «ولىك» ونەر ادامدارىنىڭ ىشىندە ۇلتتىق مۇددەنى قورعاعان مايعازيەۆ ماڭدايىمىزعا سيماي جاتسا، وندا ونداي ماڭدايدى جارىپ تاستاۋ كەرەك!
گەرويحان قىستاۋباەۆتىڭ
فەيسبۋك پاراقشاسىنان
