100 مىڭ شاباقتان – 100 توننا بەكىرە

133

شىلدەنىڭ ەكىنشى جەكسەنبىسى – بالىقشى كۇنى، وسىعان وراي، ءبىز اتىراۋ قالاسىنداعى تاۋارلى بەكىرە فەرماسىنىڭ تىنىس-تىرشىلىگىمەن تانىستىق.

احات نيماتوۆ وسىندا باس بالىقشى بولىپ ەڭبەك ەتەدى. ونىڭ ايتۋىنشا، 2014 جىلدان بەرى «CASPIAN ROYAL FISH» فەرماسى بەكىرە تۇقىمداس بالىقتاردى وسىرۋمەن جانە ودان ۋىلدىرىق الىپ، ءونىم شىعارۋمەن اينالىسىپ كەلەدى.

ۇزدىك گوللانديالىق مامانداردىڭ قاتىسۋىمەن سالىنعان ەۋروپالىق ستاندارتقا ساي فەرمادا 25 مامان جۇمىس جاسايدى. مۇندا 100 مىڭ شاباق 1 كەلى تاۋارلىق سالماققا دەيىن جەتكىزىلەدى. 100 توننا تاۋارلى بەكىرە مەن 1 توننا ازىقتىق ۋىلدىرىق وندىرىلەدى.

جايىق وزەنىنەن الىناتىن سۋ مەحانيكالىق، ۋلتراكۇلگىن جانە بيولوگيالىق تازارتۋدان وتەدى. اقىلدى تەحنيكا سۋداعى وتتەگى قۇرامى مەن ونىڭ مولشەرىن، سۋ تەمپەراتۋراسىن انىقتاپ وتىرادى.

بالىققا بەرىلەتىن جەم «اللەر اكۆا» دات كومپانياسىنان تاپسىرىسپەن الىنادى ەكەن.

پىكىرلەر
رەداكتسيا تاڭداۋى