Shildeniń ekinshi jeksenbisi – Balyqshy kúni, osyǵan oraı, biz Atyraý qalasyndaǵy taýarly bekire fermasynyń tynys-tirshiligimen tanystyq.
Ahat Nımatov osynda bas balyqshy bolyp eńbek etedi. Onyń aıtýynsha, 2014 jyldan beri «CASPIAN ROYAL FISH» fermasy bekire tuqymdas balyqtardy ósirýmen jáne odan ýyldyryq alyp, ónim shyǵarýmen aınalysyp keledi.
Úzdik gollandııalyq mamandardyń qatysýymen salynǵan eýropalyq standartqa saı fermada 25 maman jumys jasaıdy. Munda 100 myń shabaq 1 keli taýarlyq salmaqqa deıin jetkiziledi. 100 tonna taýarly bekire men 1 tonna azyqtyq ýyldyryq óndiriledi.
Jaıyq ózeninen alynatyn sý mehanıkalyq, ýltrakúlgin jáne bıologııalyq tazartýdan ótedi. Aqyldy tehnıka sýdaǵy ottegi quramy men onyń mólsherin, sý temperatýrasyn anyqtap otyrady.
Balyqqa beriletin jem «Aller akva» dat kompanııasynan tapsyryspen alynady eken.
