قازاقستاندا ماۋسىمدىق تۇماۋعا قارسى ۆاكتسيناتسيا باستالادى، بۇل ءۇشىن 2,5 ميلليون دوزا رەسەيلىك ۆاكتسينا ساتىپ الىندى. بۇل تۋرالى دەنساۋلىق ساقتاۋ ءبىرىنشى ۆيتسە -ءمينيسترى مارات شورانوۆ ءمالىم ەتتى، - دەپ حابارلايدى "ادىرنا" پورتالى.
ول قازاقستاندا 15 قىركۇيەكتە جرۆي مەن تۇماۋعا قارسى ۆاكتسيناتسيا باستالاتىنىن ايتتى.
«باس سانيتارلىق دارىگەردىڭ ءتيىستى قاۋلىسى قابىلداندى. ەستەرىڭىزگە سالا كەتەيىك، وسال توپتار مەملەكەتتىك بيۋدجەت ەسەبىنەن ەگىلەدى. بۇل، ەڭ الدىمەن، بالالار، مەديتسينا قىزمەتكەرلەرى، ديسپانسەرلىك ەسەپتە تۇرعان ادامدار، بالالار ءبىلىم بەرۋ ۇيىمدارىنىڭ، ات -اناسىنىڭ قامقورلىعىنسىز قالعان جەتىم بالالاردىڭ جانە ت.ب.»، - دەپ قوستى شورانوۆ.
ونىڭ ايتۋىنشا، تۇماۋعا قارسى ۆاكتسيناتسيا جۇمىس بەرۋشىلەر مەن ازاماتتاردىڭ جەكە قاراجاتى ەسەبىنەن دە جۇرگىزىلەتىن بولادى.
«تۇماۋعا قارسى اقىلى ۆاكتسيناتسيا تۇرعىلىقتى جەرى بويىنشا ەمحانانىڭ جەكە ەگۋ ورتالىقتارىندا جانە ەكپە بولمەلەرىندە جۇرگىزىلەدى. گريپپول پليۋستان بولەك، قازاقستاندا ءۇش وندىرۋشىدەن تۇماۋعا قارسى تاعى ءتورت ۆاكتسينا تىركەلدى»، - دەپ قورىتىندىلادى شورانوۆ.
"ادىرنا" ۇلتتىق پورتالى
