Mańǵystaý oblysynyń turǵyny koronavırýsqa qarsy vakına saldyryp, páter utyp aldy, dep habarlady oblystyń qoǵamdyq kommýnıkaııa ortalyǵy.
27 jastaǵy Qaırat Qosaevtyń naýqan jeńimpazy ekeni 6 tamyzda belgili boldy. Oǵan Aqtaý qalasynan jańadan salynǵan úıden eki bólmeli páter berildi.
Mangystay Media málimetine sáıkes, Qaırat Qosaevtyń Túrikmenstannan kóship kelgenine 10 jyldaı bolǵan. Aqtaýda naǵashylarynyń úıinde turǵan. Ata-anasy da Túrikmenstannan kóship kelýdi josparlap otyr.
Jeńimpazdyń aıtýynsha, vakınany utys úshin emes, óz densaýlyǵy úshin saldyrǵan.
"Buǵan deıin eshteńe utyp kórmegen edim. "Uttyń" dep habarlasqan kezde senbedim. "Shyn ba?" dep naqtylap suradym. Kópshilikpen jumys isteıtin bolǵandyqtan óz erkimmen emhanaǵa baryp vakına saldyrdym. Bárine juǵysty bolsyn. Aýyrmaıyq", - dedi Qaırat Qosaev.
