اقتوبە وبلىسىندا وسىنداي اتاۋمەن 25 ماۋسىمنان باستاپ ەكپە الۋ ناۋقانى وتەدى دەپ حابارلايدى "ادىرنا" ۇلتتىق پورتالىنىڭ ءتىلشىسى.
ناۋقان ەكى كەزەڭ بويىنشا وتكىزىلەدى: 25 ماۋسىمنان 10 تامىزعا دەيىن جانە 11 تامىزدان 25 قىركۇيەككە دەيىن.ناۋقانعا 25 ماۋسىم مەن 25 قىركۇيەك ارالىعىندا وبلىس اۋماعىندا كوروناۆيرۋس ينفەكتسياسىنا قارسى كەز كەلگەن ەكپەنىڭ ءبىرىنشى كومپونەنتىن العان تۇرعىنداردىڭ بارلىعى قاتىسا الادى. جەڭىمپازدار جەرگىلىكتى «AQTOBE» تەلەارناسىنىڭ تىكەلەي ەفيرىندە كەزدەيسوق تارتىپتە انىقتالادى.
ءار كەزەڭنىڭ باستى جۇلدەسى — 2021 جىلى شىققان «Chevrolet Cobalt» ماركالى اۆتوكولىك.سونداي-اق، ناۋقان بارىسىندا سمارتفوندار، پلانشەتتەر، سپورتتىق ۆەلوسيپەدتەر، روبوت شاڭسورعىشتار مەن سمارت-ساعاتتار سياقتى ارالىق جۇلدەلەر دە ويناتىلاتىن بولادى. ناۋقان دەمەۋشىلەردىڭ قاراجاتىنا وتكىزىلۋدە. ناۋقاننىڭ تولىق ەرەجەلەرىمەن aktobe.gov.kz. سايتىندا تانىسۋعا بولادى.
"ادىرنا" ۇلتتىق پورتالى.
ۇقساس جاڭالىقتار
