ماڭعىستاۋ وبلىسىندا ەكپە العان جەڭىمپازعا پاتەر كىلتى تابىستالدى

2226
Adyrna.kz Telegram

بۇگىن «ەكپە ال دا، پاتەر ۇتىپ ال» ناۋقانىنىڭ جەڭىمپازى قايرات قوساەۆقا ەكى بولمەلى پاتەردىڭ كىلتى تابىستالدى، - دەپ حابارلايدى “ادىرنا” ۇلتتىق پورتالى mangystaumedia.kz سايتىنا

سىلتەمە جاساپ.

سونىمەن قاتار ناۋقانعا قاتىسىپ، باعالى سىيلىقتاردى ۇتىپ العان قاتىسۋشىلارعا سىيلىقتارى بەرىلدى.

"ىندەت كۇشەيىپ بارا جاتقان سوڭ ءوز ەركىممەن ۆاكتسينا الدىم. سودان سوڭ وسى ناۋقاننىڭ ۇيىمداستىرىلىپ جاتقانىن ەستىدىم. باعىمدى سىناپ، قاتىسىپ كوردىم. وتكەن جۇمادا كۇتپەگەن جەردەن ۇيىمداستىرۋشى حابارلاسىپ، پاتەر ۇتىپ العانىمدى ايتتى. قوبالجىدىم. قۋاندىم. بۇرىن سوڭدى مۇنداي كونكۋرستارعا سەنبەيتىن ەدىم. بىراق وسى ناۋقان شىنايى ەكەن", - دەيدى قايرات قوساەۆ.

ونىڭ ايتۋىنشا، ۆاكتسينانى تەك ناۋقان ءۇشىن عانا ەمەس، ەڭ ءبىرىنشى دەنساۋلىعى ءۇشىن العان. وسى رەتتە ول تۇرعىندارعا ەكپە الىپ، سول ارقىلى ىندەتتىڭ الدىن الۋ كەرەك ەكەنىن ايتتى.

پاتەر كىلتىن تابىستاۋ شاراسى وتكەننەن سوڭ ۇيىمداستىرۋشىلار مەن جەڭىمپاز 38 شاعىن اۋداندا سالىنىپ جاتقان تۇرعىن ۇيگە بارىپ، پاتەردىڭ قۇرىلىس جۇمىستارىمەن تانىستى.

«ادىرنا» ۇلتتىق پورتالى.

پىكىرلەر