قىرعىزستاننىڭ ءبىرىنشى پرەزيدەنتى اسقار اقاەۆ قىرعىزستان حالقىنان جىبەرگەن قاتەلىكتەرى ءۇشىن جانە «قۇمتور» جوباسىن جۇزەگە اسىرۋ كەزىندە ۇمىتتەردى اقتاماعانى ءۇشىن كەشىرىم سۇرادى.
بۇرىنعى پرەزيدەنتتىڭ ايتۋىنشا، 1992 جىلى "قۇمتور" بويىنشا كەلىسىمگە قول قويىلعاننان بەرى قىرعىز تاراپى ۇلتتىق مۇددەلەرگە نۇقسان كەلتىرەتىن كوپتەگەن جەڭىلدىكتەرگە جول بەرگەن.
"مەن جىبەرگەن قاتەلىكتەرىم ءۇشىن شىن جۇرەكتەن كەشىرىم سۇرايمىن. قىرعىز حالقىنىڭ "قۇمتور" جوباسىنا قاتىستى ءۇمىتىن اقتاماعانىم ءۇشىن. ۇكىمەت تاراپىنان ءتيىستى باقىلاۋدىڭ بولماۋى كانادالىق ينۆەستورلارعا كەنىشتى تولىق باقىلاۋعا الۋعا مۇمكىندىك بەردى. قىرعىزستانعا ولار از پايدا مەن وراسان زور ەكولوگيالىق ماسەلە قالدىردى", - دەدى اقاەۆ.
قازىر قىرعىزستاندا "قۇمتور" كەنىشى بويىنشا تەرگەۋ جۇمىستارى ءوتىپ جاتىر. قىرعىزستاننىڭ ءبىرىنشى پرەزيدەنتى اسقار اقاەۆ تەرگەۋشىلەردىڭ سۇراعىنا جاۋاپ بەرۋ ءۇشىن 16 جىلدىڭ ىشىندە العاش رەت قىرعىزستانعا كەلگەن ەدى.
"ادىرنا" ۇلتتىق پورتالى
