Qyrǵyzstannyń birinshi prezıdenti Asqar Aqaev Qyrǵyzstan halqynan jibergen qatelikteri úshin jáne «Qumtór» jobasyn júzege asyrý kezinde úmitterdi aqtamaǵany úshin keshirim surady.
Burynǵy prezıdenttiń aıtýynsha, 1992 jyly "Qumtór" boıynsha kelisimge qol qoıylǵannan beri qyrǵyz tarapy ulttyq múddelerge nuqsan keltiretin kóptegen jeńildikterge jol bergen.
"Men jibergen qatelikterim úshin shyn júrekten keshirim suraımyn. Qyrǵyz halqynyń "Qumtór" jobasyna qatysty úmitin aqtamaǵanym úshin. Úkimet tarapynan tıisti baqylaýdyń bolmaýy kanadalyq ınvestorlarǵa kenishti tolyq baqylaýǵa alýǵa múmkindik berdi. Qyrǵyzstanǵa olar az paıda men orasan zor ekologııalyq másele qaldyrdy", - dedi Aqaev.
Qazir Qyrǵyzstanda "Qumtór" kenishi boıynsha tergeý jumystary ótip jatyr. Qyrǵyzstannyń birinshi prezıdenti Asqar Aqaev tergeýshilerdiń suraǵyna jaýap berý úshin 16 jyldyń ishinde alǵash ret Qyrǵyzstanǵa kelgen edi.
"Adyrna" ulttyq portaly
