رمك «عىلىم ورداسى» سيرەك كەزدەسەتىن كىتاپتار مۋزەيىندە الاش ۇلت-ازاتتىق قوزعالىسىنىڭ 100 جىلدىعى اياسىندا "الىستان الاش دەسە اتتانامىن" اتتى ەكسپوزيتسيالىق كورمەسى ءوتىپ جاتىر. كورمەمىز 2018 جىلدىڭ اقپان ايىنا دەيىن جالعاسادى.
سونىمەن قاتار، مۋزەيدىڭ «عاسىرلار قويناۋىنداعى مۇرالار» اتتى تۇراقتى كورمەسى ءتورت بولىمنەن تۇرادى. ءبىرىنشى ءبولىم ىقىلىم زاماننان باستاۋ العان جازبا مادەنيەتىنىڭ كۋاگەرى – بايىرعى، كونە جازۋ ەسكەرتكىشتەرىنە ارنالىپ وتىر.
مۇندا رەسپۋبليكا اۋماعىنان تابىلعان جازبا مادەنيەت ەسكەرتكىشتەرى جانە سوناۋ تاس داۋىرىنەن باستاپ، كەيىنگى ورتاعاسىرلارعا دەيىن جالعاسىن تاپقان جازۋ ۇلگىلەرى تۋرالى قۇندى ماعلۇمات الۋعا بولادى.
تاريح جانە ەتنوگرافيا عىلىمدارىنىڭ قاينار كوزى جانە نەگىزى رەتىندە قولجازبا كىتاپتاردىڭ ماڭىزىن اشاتىن، ەكىنشى، «قولجازبالار – عاسىرلار مۇراسى» ەكسپوزيتسياسى مۋزەيگە كەلۋشىلەردى ورتالىق ازيا مەن قازاقستاننىڭ ورتاعاسىرلىق قولجازبا داستۇرىمەن تانىستىرادى.
ءۇشىنشى ەكسپوزيتسيادا، "وتاندىق كونە باسىلىمدار" جادىگەرلەرى ساقتالعان. بۇل كورمەدە اراب ارپىمەن باسىلىپ شىققان تاريحي دەرەكتەرگە باي، حالىقتىڭ ساياسي، مادەني ومىرىنەن مول ماعلۇماتتار بەرەتىن، قۇندى جادىگەر سانالاتىن العاشقى قازاق باسپا كىتاپتارى مەن باسىلىمدارى ۇسىنعان.
ءتورتىنشى ەكسپوزيتسيادا «لاتىن گرافيكاسىنداعى قازاقستاننىڭ باسپا ەسكەرتكىشتەرى». ەكسپوزيتسياعا قوعامدىق-تاريحي ماڭىزى زور XX عاسىردىڭ 20-40 جج. ارالىعىنداعى لاتىن گرافيكاسىندا جارىق كورگەن باسپا مۇرالار تاڭداپ الىنىپ، كورەرمەندەر نازارىنا ۇسىنىلعان.
وتەتىن ورنى: الماتى قالاسى، شەۆچەنكو، 28
رمك «عىلىم ورداسى» سيرەك كەزدەسەتىن كىتاپتار مۋزەيى.
جۇمىس ىستەۋ ۋاقىتى: دۇيسەنبى-جۇما، 9.00-18.00.
بايلانىس تەلەفونى: 8 (727) 272 5745, 8(727) 272 86 56
