بۋدديستتەر الەمىنىڭ رۋحاني جەتەكشىسى دالاي لاما رەسەي مەن باتىستى ىنتىماق پەن ىمىراعا كەلۋگە شاقىردى. رۋحاني ليدەردىڭ ايتۋى بويىنشا، بۇل ءپۋتيننىڭ قولىنان كەلەتىن شارۋا.
دالاي لامانىڭ ايتۋىنشا، باتىس پەن رەسەيدىڭ اراسىنداعى ساياسي كيكىلجىڭ دۇنيە ءجۇزىنىڭ بارلىق ەلدەرىنە كەرى اسەر ەتىپ جاتىر. ال، باتىسقا رەسەيدىڭ مۇناي مەن رەسۋرسى كەرەك، بۇل اقيقات دۇنيە. ال، رەسەيگە باتىستىڭ تەحنولوگيالىق، قارجىلىق قۇندىلىقتارى كەرەك. ولار ءبىرىنسىز ءبىرى ەكونوميكالىق، ساياسي مۇددەلەردى ىسكە اسىرا المايدى. دۇنيەنىڭ ءوزى ءبىر جۇيە، ونى تىنىشتىقتا، ىمىرادا ۇستاۋ اقش پەن رەسەي سياقتى الپاۋىت دەرجاۆالاردىڭ عانا قولىنان كەلەدى.
"قالاي دەسەك تە، اقش پەن رەسەي ءبىر بىرىمەن ءبارىبىر قارىم-قاتىناستارىن ءبىرجولا ءۇزىپ كەتە المايدى. دۇنيەنىڭ تىنىش بولۋى باتىس پەن شىعىستىڭ ىمىرالاستىقپەن قارىم-قاتىناس جاساۋىندا. سوندىقتان ادامزات بالاسى ءبىر ءبىرىنىڭ سەنىمىنە قۇرمەتپەن قاراپ، ءدىني الاۋىزدىقتى، ساياسي كيكىلجىڭدى توقتاتۋدى قولعا الۋى كەرەك. بۇل ءىرى دەرجاۆالاردىڭ قولىنان كەلەدى", -دەدى.
ءوز سوزىندە دالاي لاما ءپۋتيندى اقش جانە ەۋرووداقتىڭ ەلدەرىمەن ساۋاتتى ديپلوماتيالىق قارىم-قاتىناستى قالىپتاستىرىپ، باتىس پەن شىعىستىڭ اراسىنداعى مامىلەگەرلىك پەن تىنىشتىقتىڭ ۇيىتقىسى بولۋعا شاقىردى.
بۇل ءپۋتيننىڭ قولىنان كەلەتىنىن، ءارى الەم ەلدەرى ءۇشىن دە پايدالى ەكەنىن، ەگەر دە باتىس پەن رەسەي اراسىنداعى كيكىلجىڭ توقتاماسا، ءۇشىنشى دۇنيەجۇزىلىك سوعىسقا اپاراتىنان دا اتاپ ءوتتى.
بەكبولات قارجان،
"ادىرنا" ۇلتتىق پورتالى
