بۇگىن اتىراۋ وبلىسىنىڭ اكىمى Mahambet Dosmūhambetov اۋىل شارۋاشىلىعى جارمەڭكەسىن ارالاپ كوردى.
ەت، ءسۇت، بالىق ونىمدەرى مەن كوكونىستەردىڭ باعاسىن كورىپ، تۇرعىندارمەن تىلدەستى. اپتانىڭ سەنبى-جەكسەنبى كۇندەرى قالاداعى «الامان» جانە «ەلناس» بازارلارىندا سانيتارلىق تالاپتار ساقتالا وتىرىپ، تۇراقتى تۇردە جارمەڭكە ۇيىمداستىرىلىپ كەلەدى. شارۋالار ورىنعا جالاقى تولەمەيتىندىكتەن ونىمدەرىن دەلدالدارسىز تۇتىنۋشىلارعا تىكەلەي ارزان باعاعا ساتا الادى. تۇرعىندار ءۇشىن دە قولجەتىمدى باعاعا ءونىم الۋ داستۇرگە اينالىپ كەلەدى.
اتىراۋ قالاسى كاسىپكەرلىك جانە اۋىل شارۋاشىلىعى ءبولىمى ۇيىمداستىرعان اتىراۋ مولتەك اۋدانى، «الامان» بازارىنداعى جارمەڭكەگە اتىراۋ قالاسى، ماحامبەت، يساتاي جانە يندەر اۋداندارىنان بارلىعى 80-گە جۋىق شارۋا قوجالىقتارى مەن تاۋار وندىرۋشىلەر قاتىسقان. ولار ءوز ونىمدەرى مەن سىرتتان جەتكىزىلگەن ءتۇرلى ونىمدەرىن ساتتى. ءوڭىر باسشىسىنىڭ تاپسىرماسىنا سايكەس، باعاعا قاتىستى مونيتورينگ جۇمىستارى تۇراقتى تۇردە جۇرگىزىلىپ كەلەدى. تۇراقتاندىرۋ جۇمىستارىنىڭ ناتيجەسىندە كارتوپتىڭ كەلىسى قازىر 170 تەڭگەدەن ساتىلۋدا. الداعى ۋاقىتتا بۇل باعا 110-120 تەڭگەگە دەيىن تومەندەيدى دەپ بولجانىپ وتىر. ويتكەنى، شىلدە ايىندا جەرگىلىكتى ونىمدەر ساتىلىمعا شىعا باستايدى. سول كەزدە باستاپقى باعا قالپىنا كەلەدى.
تۇرعىندار نارىق باعاسىنان تومەن باعامەن قاجەتتى تاۋارلارىن الۋدا. ماسەلەن، جاڭاتالاپتىڭ جەتكەن جىلىجاي قيارلارىنىڭ كەلىسى 40 — 75 تەڭگەدەن ساتىلۋدا. پياز 100-110 تەڭگەدەن، قىرىققابات 130 تەڭگەدەن، جۇمىرتقا C2-24, C1-26, س3-12 تەڭگەدەن، سيىر ەتىنىڭ كەلىسى 1700-1800 تەڭگەدەن، سازان 650 تەڭگەدەن، ال ءسابىز 400-450 تەڭگەدەن ساۋدالاندى. ءوز كەزەگىندە وبلىس باسشىسى باعانىڭ تۇراقتىلىعىن باستى نازاردا ۇستاۋدى تاپسىردى. جارمەڭكەگە شىعاراتىن تاۋار تۇرلەرى مەن كولەمىن ارتتىرۋدى، سونداي-اق تۇراقتاندىرۋ قورى ارقىلى ءتيىستى جۇمىستاردى جانداندىرۋدى جۇكتەدى. جارمەڭكەدە بارلىعى 40 500 دانا جۇمىرتقا، 12 توننا كارتوپ، 12 توننا قيار، 6 توننا ەت، 5 توننا پياز، ەكى تونناداي بالىق، ەكى تونناداي تاۋىق ەتى، سونداي-اق 1,2 توننا شۇجىق، 500 كگ ءسابىز، 600 كگ قىرىققابات، 600 ليتر ءسۇت ونىمدەرى مەن وزگە دە ازىق-تۇلىك تۇرلەرى ساتىلدى.
