«وتكەن جىلى وڭىردە 6,5 مىڭ توننا بالىق اۋلانسا، بيىل 10 مىڭ 150 تونناعا جەتتى. ونىڭ 90%-ى وڭدەلىپ، ءونىمنىڭ 80%-ى ەكسپورتتالدى. بۇل تۋرالى اتىراۋ وبلىسىنىڭ اكىمى ماحامبەت دوسمۇحامبەتوۆ ورتالىق كوممۋنيكاتسيالار قىزمەتىندە وتكەن بريفينگتە ايتتى.
«جالپى، ءوڭىردىڭ كۇردەلى كليماتتىق جاعدايىنا قاراماستان، اۋىل شارۋاشىلىعىن دامىتۋعا ەرەكشە كوڭىل ءبولىپ كەلەمىز، – دەدى سپيكەر.
– بۇل سالادا 26 ملرد. تەڭگەگە جۋىق ءونىم ءوندىرىلدى. اتاپ ايتقاندا، 24,7 ملرد. تەڭگە مال شارۋاشىلىعىندا جانە 608,1 ملن. تەڭگە ەگىن شارۋاشىلىعىندا. تۇششى سۋ تاپشىلىعىنا قاراماستان، ءىرى قارا مال باسى 4%-عا (201,9 مىڭ باس), جىلقى 9,5%-عا (102,6 مىڭ باس), تۇيە 3%-عا (36,1 مىڭ باس), قوي مەن ەشكى 2%-عا (787,1 مىڭ باس) ارتتى».
ەسكە سالا كەتەلىك، بۇگىن اتىراۋ وبلىسىنىڭ اكىمى ماحامبەت دوسمۇحامبەتوۆ نۇر-سۇلتان قالاسىندا مەملەكەت باسشىسىنىڭ تاپسىرمالارى اياسىندا اتىراۋ وبلىسىنىڭ الەۋمەتتىك-ەكونوميكالىق دامۋى تۋرالى بريفينگ بەردى.
