«كومەك» قوعامدىق قورى — ءال-فارابي اتىنداعى قازۇۋ-دىڭ بەلسەندى ستۋدەنتتەرى قۇرعان بىرلەستىك. باستى ماقساتى – كومەككە ءزارۋ بارشا جانعا قول ۇشىن سوزىپ، قايىرىمدى قوعام قۇرۋ. «ادىرنا» ءتىلشىسى ۇيىمنىڭ ەكس-پرەزيدەنتى مەيرامبەك ەستىلەۋۇلىمەن تىلدەسىپ، جۇرەگى مەيىرىمگە تولى ەرىكتىلەر تۋرالى سۇراپ ءبىلدى.
— مەيرامبەك مىرزا، بۇل ۇيىم قالاي جانە قاشان قۇرىلدى؟
— «كɵمەك» قوعامدىق قورىنىڭ جۇمىس جاساپ جاتقانىنا اعىمداعى جىلدىڭ 10 قاراشاسىندا 11 جىل تولادى. ۇيىمدى قاراپايىم عانا ستۋدەنتتەر قۇرعان بولاتىن. 2010 جىلى الەۋمەتتiك جاعدايى تɵمەن وتباسىلارعا كɵمەك بەرۋگە، ينتەرنات ورتالىعىنداعى، بالالار ۇيiندەگi جاسɵسپiرiمدەردiڭ دۇنيە تانىمىن جاقسى تۇسقا ɵزگەرتiپ، ولاردىڭ قوعاممەن بايلانىستا بولۋىن قاداعالاۋعا، قارتتار ۇيiندەگi قاريالاردىڭ كوڭىلىن اۋلاۋعا نيەتتى قازۇۋ جاستارى باستارىن بىرىكتىرىپ، بەلسەندى تۇردە جاقسىلىق جاساۋدى قولعا الدى. وسىلايشا بىرلەستىك ءوز جۇمىسىن باستاپ كەتتى. جىل سايىن قاتارىمىز كوبەيىپ كەلەدى. قازىرگى تاڭدا شامامەن 800-گە جۋىق ەرىكتىمىز بار. مۇشەلەرىمىز ۋنيۆەر اۋماعىنداعى شارۋالارعا دا بەلسەنە ارالاسادى. ءبىز، اعا بۋىن، ەرiكتiلەرىمىزدى ىزگىلىككە، ەڭبەكقۇمارلىققا باۋلۋعا بارىنشا تىرىسامىز.
— وسى ۋاقىتقا دەيىن قانداي يگى ىستەردى اتقاردىڭىزدار؟
— قولدان كەلگەنشە ۇلكەندi-كiشiلi قايىرىمدىلىق جۇمىستارىن ɵتكiزدiك. نەگiزگi بiزدiڭ ميسسيا جاعدايى تɵمەن وتباسىلارعا كɵمەكتەسۋ بولعاندىقتان، الماتى وبلىسىنا قاراستى كɵپتەگەن وتباسىلاردى ازىق-تۇلiكپەن قامتاماسىز ەتiپ، بالالارىنىڭ قىستىق، مەكتەپكە ارنالعان كيiمدەرiن الىپ بەرiپ، قارجىلاي دا كɵمەك قولىن سوزدىق، سوزىپ كەلەمىز دە. قاراجاتتى كوبىنە ستۋدەنتتەر ءتۇرلى جارمەڭكەلەر وتكىزۋ ارقىلى جيناپ ءجۇردى. ءبىز جاتاقحانادا ءتۇرلى تاتتىلەردى ءپىسىرىپ، ولاردى فاكۋلتەت ىشىندە ساتاتىنبىز. وسىلايشا وزگە جانداردىڭ دا قايىرىمدىلىققا ۇلەس قوسۋلارىنا سەبەپكەر بولدىق. سونداي-اق جىل سايىن وتاندىق تانىمال جۇلدىزداردىڭ قاتىسۋىمەن قايىرىمدىلىق كونتسەرتتەرiن ɵتكiزىپ كەلەمىز. كارانتين شارالارى كۇشەيمەي تۇرعان ۋاقىتتا الماتىداعى بالالار ۇيiنە بارىپ، ولارمەن شىعارماشىلىق، رۋحاني باعىتتا əڭگiمە-دۇكەن قۇرىپ، بiلگەنiمiزدi ۇيرەتۋگە، بiلمەگەنiمiزدi ولاردان ۇيرەنۋگە تىرىستىق.
– ناقتى قانداي جوبالارىڭىز بار؟
— جوبالارىمىز وتە كوپ. ەڭ ىرىلەرىنە توقتالىپ وتكەنىم ءجون بولار. جەتىم بالالاردى قولداپ، جاڭا جىل قارسانىنا وراي ولاردىڭ تىلەكتەرىن ورىنداۋ ماقساتىندا «Charity wish tree» دەگەن جوبانى قولعا الدىق. ءار بالا قاعازعا قالاعان زاتىن جازىپ، سىيلىعىن كۇتەدى. ال ءبىز بولساق، قايىرىمدى جانداردان كومەك سۇراپ، بۇلدىرشىندەردىڭ كىشكەنتاي ارماندارىنىڭ ورىندالۋلارىنا كۇش سالدىق. تاعى ءبىر جوبامىز – «جارقىن جۇلدىز». ول – الماتى قالاسىنىڭ بالالار ءۇيى اراسىندا جىل سايىن وتكىزىلەتىن بايقاۋ. سايىستا تالانتتى جاستار ءان ايتىپ، بي بيلەپ، ءوز ونەرلەرىن كورسەتەدى. سالاۋاتتى ءومىر سالتىنا باۋلۋدى دا نازاردان تىس قالدىرمادىق. «التىن دوپ» جوباسى اياسىندا جىل سايىن بالالار ءۇيىنىڭ تاربيەلەنۋشىلەرى اراسىندا كىشى فۋتبولدان جارىس وتكىزىپ تۇرامىز. نەگىزگى دەمەۋشىمىز — «قايرات» فۋتبول كلۋبى.
تاعى ءبىر اتاپ وتەتىن جايت، وسى ۋاقىت ارالىعىندا "كومەك" قوعامدىق قورىنىڭ "The warriors of Komek" اتتى ليدەرلىك مەكتەبىن اشتىق.
— ۋنيۆەرسيتەت تاراپىنان قانداي دا ءبىر قولداۋ بار ما؟
— ۋنيۆەر تاراپىنان كɵمەك بولمايدى. "كɵمەك" قوعامدىق قورىنىڭ ەرiكتiلەرi كونتسەرتتەر جəنە جəرمەڭكەلەر ۇيىمداستىرىپ، كەرەك قاراجاتتى ɵزدەرi جينايدى.
— ەرىكتى بولۋدىڭ قانداي ارتىقشىلىقتارى مەن كەمشىلىكتەرى بار؟
— ەرiكتi بولۋ – قوعامعا دەگەن ɵز قۇرمەتiڭنiڭ بەلگiسi. ۋنيۆەرسيتەت تابالدىرىعىن اتتاعان əربiر بالمۇزداقتى بiزدiڭ ۇيىمنىڭ جەتiستiكتەرiن ايتىپ، قاتارىمىزعا قوسامىز. كەيبiرi ɵزدەرi iزدەپ كەلەدi. ەرiكتiلەردiڭ كɵپ بولۋى əربiر ۇيىمنىڭ بەدەلi iسپەتتi. بiراق بiز ساننان كɵرi ساپاعا باسا نازار اۋدارامىز. ۆولونتەر بولۋدىڭ ۇلكەن ءبىر پايداسى ادامدارمەن تانىسىپ، ەلدiڭ جاعدايىن، تۇرمىس-تiرشiلiگiن ɵز كɵزiڭمەن كɵرiپ، تانىسۋ دەپ ويلايمىن. ەلگە ەڭبەك ەتەسiڭ. پاتريوتتىق سەزiمiڭ ويانىپ، رۋحاني باي بولىپ جەتiلەسiڭ. "ادالدىقتىڭ بəيگەسiنە اتىڭدى قوس، وزساڭ دا ولجالىسىڭ، قالساڭ دا ولجالىسىڭ",– دەپ تولەن ابدىك اتامىز ايتقانداي، ەرىكتى بولۋ تەك پايدا الىپ كەلەدى.
— قاتارلارىڭىزعا قالاي قوسىلۋعا بولادى؟
— بiزدiڭ قاتارعا قوسىلۋ ءۇشiن مiندەتتi تۇردە قازۇۋ-لىق بولۋ شارت ەمەس. كەز كەلگەن ۋنيۆەرسيتەت ستۋدەنتiن قاتارىمىزعا قوسىپ، قۇشاق جايا قارسى الامىز. باستىسى – شىنايى نيەتi جəنە ىنتاسى بولۋى قاجەت.
—سۇقباتىڭىزعا راقمەت!
اڭگىمەلەسكەن ديانا اسان،
«ادىرنا» ۇلتتىق پورتالى
