«Kómek» qoǵamdyq qory — ál-Farabı atyndaǵy QazUÝ-dyń belsendi stýdentteri qurǵan birlestik. Basty maqsaty – kómekke zárý barsha janǵa qol ushyn sozyp, qaıyrymdy qoǵam qurý. «Adyrna» tilshisi uıymnyń eks-prezıdenti Meırambek Estileýulymen tildesip, júregi meıirimge toly eriktiler týraly surap bildi.
— Meırambek myrza, bul uıym qalaı jáne qashan quryldy?
— «Kɵmek» qoǵamdyq qorynyń jumys jasap jatqanyna aǵymdaǵy jyldyń 10 qarashasynda 11 jyl tolady. Uıymdy qarapaıym ǵana stýdentter qurǵan bolatyn. 2010 jyly áleýmettik jaǵdaıy tɵmen otbasylarǵa kɵmek berýge, ınternat ortalyǵyndaǵy, balalar úıindegi jasɵspirimderdiń dúnıe tanymyn jaqsy tusqa ɵzgertip, olardyń qoǵammen baılanysta bolýyn qadaǵalaýǵa, qarttar úıindegi qarııalardyń kóńilin aýlaýǵa nıetti QazUÝ jastary bastaryn biriktirip, belsendi túrde jaqsylyq jasaýdy qolǵa aldy. Osylaısha birlestik óz jumysyn bastap ketti. Jyl saıyn qatarymyz kóbeıip keledi. Qazirgi tańda shamamen 800-ge jýyq eriktimiz bar. Múshelerimiz ýnıver aýmaǵyndaǵy sharýalarǵa da belsene aralasady. Biz, aǵa býyn, eriktilerimizdi izgilikke, eńbekqumarlyqqa baýlýǵa barynsha tyrysamyz.
— Osy ýaqytqa deıin qandaı ıgi isterdi atqardyńyzdar?
— Qoldan kelgenshe úlkendi-kishili qaıyrymdylyq jumystaryn ɵtkizdik. Negizgi bizdiń mıssııa jaǵdaıy tɵmen otbasylarǵa kɵmektesý bolǵandyqtan, Almaty oblysyna qarasty kɵptegen otbasylardy azyq-túlikpen qamtamasyz etip, balalarynyń qystyq, mektepke arnalǵan kıimderin alyp berip, qarjylaı da kɵmek qolyn sozdyq, sozyp kelemiz de. Qarajatty kóbine stýdentter túrli jármeńkeler ótkizý arqyly jınap júrdi. Biz jataqhanada túrli táttilerdi pisirip, olardy fakýltet ishinde satatynbyz. Osylaısha ózge jandardyń da qaıyrymdylyqqa úles qosýlaryna sebepker boldyq. Sondaı-aq jyl saıyn otandyq tanymal juldyzdardyń qatysýymen qaıyrymdylyq konertterin ɵtkizip kelemiz. Karantın sharalary kúsheımeı turǵan ýaqytta Almatydaǵy balalar úıine baryp, olarmen shyǵarmashylyq, rýhanı baǵytta əńgime-dúken quryp, bilgenimizdi úıretýge, bilmegenimizdi olardan úırenýge tyrystyq.
– Naqty qandaı jobalaryńyz bar?
— Jobalarymyz óte kóp. Eń irilerine toqtalyp ótkenim jón bolar. Jetim balalardy qoldap, jańa jyl qarsanyna oraı olardyń tilekterin oryndaý maqsatynda «Charity wish tree» degen jobany qolǵa aldyq. Ár bala qaǵazǵa qalaǵan zatyn jazyp, syılyǵyn kútedi. Al biz bolsaq, qaıyrymdy jandardan kómek surap, búldirshinderdiń kishkentaı armandarynyń oryndalýlaryna kúsh saldyq. Taǵy bir jobamyz – «Jarqyn juldyz». Ol – Almaty qalasynyń balalar úıi arasynda jyl saıyn ótkiziletin baıqaý. Saıysta talantty jastar án aıtyp, bı bılep, óz ónerlerin kórsetedi. Salaýatty ómir saltyna baýlýdy da nazardan tys qaldyrmadyq. «Altyn dop» jobasy aıasynda jyl saıyn balalar úıiniń tárbıelenýshileri arasynda kishi fýtboldan jarys ótkizip turamyz. Negizgi demeýshimiz — «Qaırat» fýtbol klýby.
Taǵy bir atap ótetin jaıt, osy ýaqyt aralyǵynda "Kómek" Qoǵamdyq Qorynyń "The warriors of Komek" atty lıderlik mektebin ashtyq.
— Ýnıversıtet tarapynan qandaı da bir qoldaý bar ma?
— Ýnıver tarapynan kɵmek bolmaıdy. "Kɵmek" qoǵamdyq qorynyń eriktileri konertter jəne jərmeńkeler uıymdastyryp, kerek qarajatty ɵzderi jınaıdy.
— Erikti bolýdyń qandaı artyqshylyqtary men kemshilikteri bar?
— Erikti bolý – qoǵamǵa degen ɵz qurmetińniń belgisi. Ýnıversıtet tabaldyryǵyn attaǵan ərbir balmuzdaqty bizdiń uıymnyń jetistikterin aıtyp, qatarymyzǵa qosamyz. Keıbiri ɵzderi izdep keledi. Eriktilerdiń kɵp bolýy ərbir uıymnyń bedeli ispetti. Biraq biz sannan kɵri sapaǵa basa nazar aýdaramyz. Volonter bolýdyń úlken bir paıdasy adamdarmen tanysyp, eldiń jaǵdaıyn, turmys-tirshiligin ɵz kɵzińmen kɵrip, tanysý dep oılaımyn. Elge eńbek etesiń. Patrıottyq sezimiń oıanyp, rýhanı baı bolyp jetilesiń. "Adaldyqtyń bəıgesine atyńdy qos, ozsań da oljalysyń, qalsań da oljalysyń",– dep Tólen Ábdik atamyz aıtqandaı, erikti bolý tek paıda alyp keledi.
— Qatarlaryńyzǵa qalaı qosylýǵa bolady?
— Bizdiń qatarǵa qosylý úshin mindetti túrde QazUÝ-lyq bolý shart emes. Kez kelgen ýnıversıtet stýdentin qatarymyzǵa qosyp, qushaq jaıa qarsy alamyz. Bastysy – shynaıy nıeti jəne yntasy bolýy qajet.
—Suqbatyńyzǵa raqmet!
Áńgimelesken Dıana ASAN,
«Adyrna» ulttyq portaly
