تسوي ۇكىمەت وتىرىسىندا ەلدەگى ەپيدەميولوگيالىق جاعدايدى باياندادى، دەپ حابارلايدى “ادىرنا” ۇلتتىق پورتالى.
«ەپيدەميولوگيالىق احۋالدى باعالاۋ ماتريتساسىنا سايكەس، قازاقستان رەسپۋبليكاسى 26 ماۋسىمنان بەرى «قىزىل» ايماقتا تۇر. تۇركىستان وبلىسىنان باسقا وڭىرلەردىڭ ءبارى «قىزىل» ايماقتا. 3 تامىزداعى جاعداي بويىنشا، رەسپۋبليكاداعى ينفەكتسيالىق توسەك-ورىننىڭ 56 پايىزىندا، رەانيماتسيالىق توسەك-ورىننىڭ 44 پايىزىندا ناۋقاستار جاتىر.
اسىرەسە، جۇقپالى اۋرۋحانالارداعى ەڭ كوپ ناۋقاس نۇر-سۇلتان، شىمكەنت قالالارىندا، جانساقتاۋ بولىمىندەگى ناۋقاستار اقمولا، اتىراۋ، ماڭعىستاۋ وبلىستارى مەن نۇر-سۇلتان قالاسىندا كوپ تىركەلگەن»، - دەيدى مينيستر.
«وڭىرلەردەگى احۋالعا ەگجەي-تەگجەيلى تالداۋ جۇرگىزىلىپ، جاعدايدى تۇراقتاندىرۋ ءۇشىن ناقتى ۇسىنىستار بەرىلدى. ستاتسيونارلارعا جۇكتەمەنى باعالاۋ ماتريتساسىنا سايكەس، «قويۋ قىزىل» ايماقتا – قاۋىپ جوعارى ايماقتا ءتورت ءوڭىر بار، ولار - الماتى، شىمكەنت قالالارى، اتىراۋ جانە قاراعاندى وبلىستارى. ونداعى توسەك-ورىننىڭ اپتالىق قامتىلۋ كورسەتكىشى 100 مىڭ تۇرعىنعا شاققاندا 200-دەن اسادى جانە ودان دا جوعارى»، - دەدى ا. تسوي.
