«دەنساۋلىق ءمينيسترى الەكسەي تسوي «جىنىس اۋىستىرۋ وتاسىنا رۇقسات» دەگەن قاۋلى شىعاردى.
“تەگىن” - دەدى اۋەلدە ونى» دەپ جازادى ءانشى قاراقات ءابىلدينا ءوزىنىڭ ينستاگرام پاراقشاسىندا. ءانشى ءمينيستردىڭ بۇل زاڭى ۇرپاق تازالىعىن بۇزۋى مۇمكىن دەگەن قاۋپىن جاسىرمايدى.
"ەل بولىپ قارسى شىعىپ ەدى، ەندى تەگىن ەمەس، “جىنىس اۋىستىرۋ وتاسى اقىلى تۇردە جاسالادى” دەپ مالىمدەدى. ءبىر قىزىعى بۇل زاڭ بىزگە 2020 جىلدىڭ 25-قاراشاسىندا ەنگىزىلىپ قويعان ەكەن.
اينالىپ كەلگەندەگى: جەكە ادامنىڭ قۇقىعى... ال ۇلتتىق سانا؟ ۇلتتىق تاربيە؟
“جامان ءۇيدى قوناعى بيلەيدى” دەگەننىڭ كەبىن كيىپ تۇرمىز عوي. سول زاڭ، سول وتا كەرەك پە بىزگە مۇلدە؟!
ءبىز قازاق جەتى اتادان اسپاي قىز الىسپاعان، قانى وتە تازا حالىقپىز.
“ۇلىم ۇرپاعىمدى جالعاستىرادى، قىزىم ءورىسىمدى كەڭەيتەدى” دەپ بالادان ءۇمىت كۇتكەن حالىقپىز.
ۇرپاق تازالىعىن بۇزۋ، ۇلتتى قۇرتۋ ما ماقساتى؟
قايدا كەتىپ بارامىز؟!
بۇل سوراقىلىققا جول بەرمەۋىمىز كەرەك!
اللا ساقتاسىن، قارسىمىن...
نە دە بولسا ءار قازاق وزىمىزگە، ءوز بالالارىمىزدىڭ نەگىزىنە، تاربيەسىنە بەكەم بولىپ، يمانىن بەرىك، پارىزىن ءبۇتىن ەتىپ وسىرۋگە قام جاساۋىمىز كەرەك!" دەپ جازادى ءانشى قاراقات.
وسى جازباعا قاتىستى پىكىر بىلدىرگەن جۇرتشىلىق "مينيستر تسويدىڭ جاڭا قاۋلىعا قول قويۋى-ۇلتىمىزدى جويۋعا قويىلعان قولى", "بۇل زاڭ قازاقتى قۇرتادى" دەگەن سارىندا ىزاعا تولى جازبالار قالدىرۋدا.
"ادىرنا" ۇلتتىق پورتالى.
فوتو اشىق دەرەككوزدەن الىندى.
