قازاق مەملەكەتتىك تسيركىندە «تسيركتەگى جاڭا جىل عاجايىپتارى» اتتى جاڭا قويىلىم ەل نازارىنا ۇسىنىلا باستادى. العاشقى قويىلىمعا ءتۇرلى اقپارات قۇرالدارى شاقىرىلىپ، تسيرك ۇجىمى ءباسپاسوز ءماسليحاتىن وتكىزدى.
سىزدەردى قازاق تسيركى 2017 جىلدىڭ 18 جەلتوقسانى مەن 2018 جىلدىڭ 7 قاڭتارى ارالىعىندا «تسيركتەگى جا ڭا جىل عاجايىپتارى» اتتى تاماشا باعدارلاماسىنا شاقىرادى.
الىپ ترانسفورمەرلار، سيقىرلى پوني پينكي پاي مەن رادۋگا، باتىل موانا، اياز اتا مەن اقشاقار ءتارىزدى كەيىپكەرلەر ەرتەگىنىڭ باستى قاھارماندارى بار قويىلىم بالالارعا ۇلكەن قۋانىش سىيلاعالى وتىر.
بۇل - بىرەگەي، وقيعا جەلىسىن بولجاپ بولمايتىن، تسيرك ونەرىندەگى بارلىق جانرلارىن بىرىكتىرەتىن تسيرك قويىلىمدىق ەرتەگىسى. جاڭا جىلدىق شوۋعا الەمدىك تسيرك ارتيستەرى، كوڭىلدى كلوۋندار، ۇيرەتىلگەن ايۋلار، يتتەر، تۇيەلەر، جىلقىلار جانە پونيلار قاتىسادى.
ۇمىتىلماس سيقىرلى جاڭا جىلدىق ساياحاتتى كاسىبي ستسەناريستەر مەن قويۋشى-رەجيسەرلار، كومپوزيتورلار مەن سۋرەتشى-مودەلەرلەر، حوەوگرافتار مەن بالەتمەيستەرلار، دىبىس جانە جارىق رەجيسسەرلەرى دايىنداعان بولاتىن. مۇندا سونىمەن قاتار كاسىبي ارتيستەر مەن ۇيرەتىلگەن جانۋارلار ءبىر اي كولەمىندە ونەر كورسەتەدى.
ارتيستەردىڭ ونەرىن فانتاستيكالىق لازەرلىك ارنايى اسەرلەرمەن، كاسىبي ساحنالىق جارىق پەن دىبىس، تۇرلەندىرگەن LED ەكرانداعى بەينەلەۋمەن قامتاماسىزداندىرىلعان.
قويىلىم ءار قيلى جاستاعى كورەرمەندەرگە ارنالادى. بۇل جىلداعىدان دا ۇمىتىلماس جاڭا جىلدىق مەرەكە بولماقشى! قويىلىمنىڭ ۇزاقتىعى – 2 ساع. 30 مينۋت ۇزىلىسپەن.
باقىت بوكەباەۆ، الماتى قالاسى قازاق مەملەكەتتىك تسيركىنىڭ ديرەكتورى:
- قازاق مەملەكەتتىك تسيركى بيىلعى جاڭا جىلعا ەرەكشە دايىندالدى. سۋرەتشىلەرگە جانجانۋارلاردىڭ، ەرتەگى قاھارماندارىنىڭ كيىمدەر تىكتىرىپ، كەيىپكەرلەردى تۇرلەندىرىپ، قيال-عاجايىپ الەمنىڭ سان الۋان سيقىرىن كورسەتۋگە تىرىستىق. تسيركتىڭ ونەر ۇجىمى بارىنشا ءوز دەڭگەيىندە ەڭبەكتەندى. ولارعا دەگەن العىسىم شەكسىز. بۇل قويىلىم الماتىلىق جانە الماتى قالاسى قوناقتارىنىڭ كوڭىلىنەن شىعادى عوي دەپ ويلايمىن. شوۋ ۇلگىسىندەگى قىزىقتى قويىلىم ەشكىمدى بەي-جاي قالدىرمايدى عوي دەپ ويلايمىن.
ارمان سەرىكۇلى
