قازاقستاندا كوروناۆيرۋس پەن پنەۆمونيادان قايتىس بولعاندار سانى 126-عا جەتتى، - دەپ حابارلايدى “ادىرنا” ۇلتتىق پورتالى.
1 تامىزداعى مالىمەت بويىنشا، كوروناۆيرۋس انىقتالعان ناۋقاستار ءولىمى دەرەگى - 110 جاعداي. تاعى 16 ادام (پتر ناتيجەسى تەرىس شىققان) پنەۆمونيادان قايتىس بولعان. وسىلايشا تاۋلىكتە قايتىس بولعانداردىڭ جالپى سانى 126-عا جەتىپ وتىر.
3 تامىزداعى جاعداي بويىنشا كوروناۆيرۋس جۇقتىرعان 102 839 ادام ەمدەلىپ جاتىر، ولاردىڭ 29 138-ءى اۋرۋحانالاردا، ال امبۋلاتورلىق دەڭگەيدە 73 701 ناۋقاس بار.
كۆي+, كۆي- شالدىققاندار اراسىندا:
1 707 ادامنىڭ جاعدايى اۋىر،
395 پاتسيەنتتىڭ جاعدايى وتە اۋىر،
197 ناۋقاس جاساندى تىنىس الۋ اپپاراتىندا جاتىر.
ەسكە سالايىق، ءولىم بويىنشا بۇعان دەيىنگى انتيرەكورد 27 شىلدەدە تىركەلگەن ەدى: كوروناۆيرۋس پەن پنەۆمونيادان 110 ادام قايتىس بولعان.
