سەمەي قالاسىنىڭ 14 جاسار تۇرعىنى نۇرجىگىت ءاشىمجانوۆ ەرتىس وزەنىنىڭ جاعاسىندا باتىپ بارا جاتقان قىزدى قۇتقارامىن دەپ ەرلىكپەن قازا تاپتى، دەپ حابارلايدى "ادىرنا" ءتىلشىسى. بۇل تۋرالى Facebook جەلىسىنىڭ بەلسەندى قولدانۋشىسى ايتتى.
نۇرجىگىت ەرتىس وزەنىنە دوستارىمەن دەمالۋعا بارعان. كەنەتتەن سۋعا باتىپ بارا جاتقان قىزدى كورىپ، ءوزى جاقسى ءجۇزۋ بىلمەسە دە باتىرلىق تانىتىپ سۋعا سەكىردى. قىزدى جاعاعا دەيىن جەتكىزۋگە كۇشى جەتكەنىمەن، ءوزى جاعاعا شىعۋعا ءحالى شىدامادى. وقيعا كۋاگەرلەرى نۇرجىگىتتى ەس-ءتۇسسىز كۇيدە سۋدان شىعارىپ، امان الىپ قالۋ ءۇشىن بارلىق امالدى جاسادى. جەدەل-جاردەم بريگاداسى دا ءجاسوسپىرىمدى رەانيماتسيالىق شارالارمەن قامتاماسىز ەتتى. بىراق، جاس باتىر ماڭگىلىك مەكەنگە اتتانىپ كەتتى.
كەلەسى كۇنى نۇرجىگىت قايتىس بولعاننان كەيىن «سۋعا باتىپ بارا جاتقان ادامداردى قۇتقارعانى ءۇشىن» مەدالىمەن ماراپاتتالدى.
كەڭ جۇرەكتى كىشكەنتاي باتىر!
"ادىرنا" ۇلتتىق پورتالى نۇرجىگىتتىڭ تۋىستارى مەن جاقىندارىنا قايعىرىپ كوڭىل ايتادى.
