دارىگەرلەردىڭ جالاقىسى 560 مىڭ تەڭگەگە دەيىن كوتەرىلمەك

2964
Adyrna.kz Telegram

قازاقستاندا 2023 جىلعا قاراي دارىگەرلەردىڭ جالاقىسىن 561 مىڭ تەڭگەگە دەيىن كوتەرۋدى جوسپارلاپ وتىر. بۇل تۋرالى قر پرەمەر-ءمينيسترىنىڭ ورىنباسارى ەرالى توعجانوۆ دەپۋتاتتىق ساۋالعا بەرگەن جاۋابىندا ايتتى. بۇل تۋرالى «ادىرنا» ۇلتتىق پورتالى Orda.kz سايتىنا سىلتەمە جاساپ حابارلايدى. 

ول مەملەكەت باسشىسىنىڭ تاپسىرماسى بويىنشا دارىگەرلەردىڭ جالاقىسىن كەزەڭ-كەزەڭىمەن كوتەرۋ كوزدەلىپ، 2023 جىلعا قاراي ەكونوميكاداعى ورتاشا جالاقىنىڭ 2,5 ەسەلەنگەن دەڭگەيىنە دەيىن جەتكىزۋ كوزدەلگەنىن ەسكە سالدى.

«2020 جىلدىڭ 1 قاڭتارىنان باستاپ تەگىن مەديتسينالىق كومەكتىڭ كەپىلدەندىرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق قىزمەتتەردى ۇسىنۋ تاريفتەرى كوتەرىلدى، سايكەسىنشە دارىگەرلەردىڭ جالاقىسى جىل سايىن ورتا ەسەپپەن 30% -عا كوتەرىلىپ وتىرىلدى. دارىگەرلەردىڭ جالاقىسىن 246 مىڭ تەڭگەدەن (2020 ج.) 561 مىڭ تەڭگەگە (2023) دەيىن كوتەرۋ جوسپارلانىپ وتىر»، – دەدى توعجانوۆ.

پرەمەر-ءمينيستردىڭ ورىنباسارى 2021 جىلعا دەيىن مەديتسينالىق كادرلاردىڭ جەتىسپەۋشىلىگىن تومەندەتۋ ءۇشىن جول كارتاسى بەكىتىلگەنىن ايتتى.

«مەديتسينالىق كادرلارمەن قامتاماسىز ەتۋ ماسەلەلەرى ۇكىمەت وتىرىسىندا قارالدى جانە اكىمدىكتەرگە مەديتسينا قىزمەتكەرلەرىن قارجىلاي ىنتالاندىرۋ شارالارىن قابىلداۋ تاپسىرىلدى»، – دەدى قر پرەمەر-ءمينيسترىنىڭ ورىنباسارى.

"ادىرنا" ۇلتتىق پورتالى

پىكىرلەر