تاڭىردەن بەرىلگەن ءتاتتى سىيدىڭ قازاق اسپانىندا قالىقتاپ، شۋاقتى كۇنىنىڭ ارايلاپ اتقانىنا 30 جىل تولدى. ەل ءۇشىن ايتۋلى جىلدى ۇلىقتاۋ، اششى تەرمەن كەلگەن ءتاتتى جەڭىستىڭ سالماعىن باعامداۋ، تاۋەلسىزدىكتىڭ 30 جىلدىعىن مەرەكەلەۋ بارىسىندا وسكەلەڭ ۇرپاقتىڭ ساناسىنا سىڭدىرىلمەك. بۇگىنگى كۇنى، قاسيەتتى تاۋەلسىزدىكتى مەرەكەلەۋ بويىنشا جوسپاردىڭ جۇزەگە اسقانىنا جارتى جىلدىڭ ءجۇزى بولدى.
جىل باسىندا ايماق باسشىسى اماندىق باتالوۆ جانە وبلىس اكىمىنىڭ ءبىرىنشى ورىنباسارى لاززات تۋرلاشوۆتىڭ تورالىعىمەن مەرەيتويعا دايىندالۋ جانە ونى وتكىزۋ جونىندەگى ۇيىمداستىرۋ كوميسسياسىنىڭ وتىرىستارى وتكىزىلىپ، باسقارما باسشىلارى اۋداندىق، كالالىق اكىمدەرىنە ناقتى تاپسىرمالار بەرىلگەن.
مەديا جوسپارداعى جۇمىستار ءۇش نەگىزگى باعىتتان تۇرادى. ولار: ۇيىمداستىرۋ-دايىندىق، اقپاراتتىق-يميدجدىك جۇمىس جانە 12 تاقىرىپتىق باعىت بويىنشا مەرەكەلىك ءىس-شارالاردىڭ وقيعالار قاتارى. (سلايد)
وبلىس كولەمىندە تاۋەلسىزدىكتى تويلاۋ ءىس-شارالار جوسپارى اۋەلدە 253 تارماقتان تۇرسا، قازىر 282 تارماقتى قۇرايدى. اتاپ ايتۋ كەرەك، بارلىق ۇسىنىلعان شارالار ەلدەگى سانيتارلىق جاعدايعا بەيىمدەلىپ، وتىلۋدە.
«بۇگىنگى كۇنگە دەيىن 803 ءىس-شارا ورىندالدى. ونىڭ ىشىندە حالىقارالىق دەڭگەيدە -2, رەسپۋبليكالىق دەڭگەيدە-9, وبلىستىق دەڭگەيدە-77, اۋدان، قالالىق دەڭگەيدە-636 شارا. ەپيدەميولوگيالىق جاعدايعا بايلانىستى 8 ءىس-شارا اعىمداعى جىلدىڭ ەكىنشى جارتىجىلدىعىنا اۋىستىرىلدى»،-دەيدى الماتى وبلىسى ىشكى ساياسات باسقارماسىنىڭ باسشىسى راحمەت ەسداۋلەتوۆ.
بيىلعى جىلدىڭ باستى تويىندا، جىل باسىنان جەتىسۋ ولكەسىندە الەۋمەتتىك ماڭىزى بار وراي 26 نىسان ەسىگىن ايقارا اشتى.
راحمەت رازبەكۇلىنىڭ ايتۋىنشا، كوكسۋ، رايىمبەك اۋداندارىندا دشسك، قاراساي اۋدانى مەن تالدىقورعان قالاسىندا جىلىجاي كەشەنى-دارىگەرلىك امبۋلاتوريالار اشىلىپ، پانفيلوۆ، جامبىل اۋداندارىندا تۋتۇعىر ورناتىلعان. سونىمەن قاتار، وبلىستاعى پوليتسيا قىزمەتكەرلەرىنە 55 جاڭا پاتەردىڭ كىلتى تاپسىرىلعان.
وڭىردە قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويى اياسىندا "ەرىكتىلەر جىلىنىڭ" جالعاسى رەتىندە "يگى ىستەر مارافونى"جالپىۇلتتىق جوباسى ىسكە اسىرىلىپ جاتقاندىعىن اتاپ وتكەن ءجون.
"مەملەكەت باسشىسى ايقىنداعان ۆولونتەرلىكتىڭ 7 باعىتى جانە "يگى ىستەر مارافونى " اياسىندا وبلىستا 1216 اكتسيا وتكىزىلدى. 75 مۇقتاج وتباسى تۇرعىن ءۇي الدى، 9 مىڭ وتباسى 170 ملن.تەڭگەگە ازىق– تۇلىك سەبەتىن الدى", - دەدى وبلىستىق جاستار ساياساتى ماسەلەلەرى باسقارماسىنىڭ باسشىسى ەلدار ساپاروۆ.
اتالمىش شارالار تىزبەگى جالعاسىن تابا بەرمەك، ماسەلەن، ەكىنشى جارتىجىلدىقتىڭ وقيعالار كەستەسىندە بەلگىلەنگەن مەرزىمدەرگە سايكەس 900 ءىس -شارالارى جۇزەگە اسىرىلاتىن بولادى.
سونىمەن قاتار، ەكىنشى جارتىجىلدىقتا قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي جوسپارلانعان 40 نىساننىڭ اشىلۋ سالتاناتتارى جوسپارلانۋدا.
اتاپ ايتساق، الاكول، پانفيلوۆ اۋداندارىندا دەنە شىنىقتىرۋ كەشەنى، سپورت الاڭدارى، م.ماقاتاەۆتىڭ ەسكەرتكىشى، جامبىل، ەسكەلدى، كەربۇلاق اۋداندارىندا ساياباقتاردىڭ اشىلۋى جەتىسۋلىقتاردىڭ قوينىن قۋانىشقا تولتىرماق. بۇنىڭ بارلىعى تاۋەلسىزدىكتىڭ جەمىسى، قازاقتىڭ جەڭىسى.
