Táńirden berilgen tátti syıdyń qazaq aspanynda qalyqtap, shýaqty kúniniń araılap atqanyna 30 jyl toldy. El úshin aıtýly jyldy ulyqtaý, ay termen kelgen tátti jeńistiń salmaǵyn baǵamdaý, Táýelsizdiktiń 30 jyldyǵyn merekeleý barysynda óskeleń urpaqtyń sanasyna sińdirilmek. Búgingi kúni, qasıetti táýelsizdikti merekeleý boıynsha jospardyń júzege asqanyna jarty jyldyń júzi boldy.
Jyl basynda aımaq basshysy Amandyq Batalov jáne oblys ákiminiń birinshi orynbasary Lazzat Týrlashovtyń tóralyǵymen mereıtoıǵa daıyndalý jáne ony ótkizý jónindegi uıymdastyrý komıssııasynyń otyrystary ótkizilip, basqarma basshylary aýdandyq, kalalyq ákimderine naqty tapsyrmalar berilgen.
Medıa jospardaǵy jumystar úsh negizgi baǵyttan turady. Olar: uıymdastyrý-daıyndyq, aqparattyq-ımıdjdik jumys jáne 12 taqyryptyq baǵyt boıynsha merekelik is-sharalardyń oqıǵalar qatary. (slaıd)
Oblys kóleminde táýelsizdikti toılaý is-sharalar jospary áýelde 253 tarmaqtan tursa, qazir 282 tarmaqty quraıdy. Atap aıtý kerek, barlyq usynylǵan sharalar eldegi sanıtarlyq jaǵdaıǵa beıimdelip, ótilýde.
«Búgingi kúnge deıin 803 is-shara oryndaldy. Onyń ishinde halyqaralyq deńgeıde -2, respýblıkalyq deńgeıde-9, oblystyq deńgeıde-77, aýdan, qalalyq deńgeıde-636 shara. Epıdemıologııalyq jaǵdaıǵa baılanysty 8 is-shara aǵymdaǵy jyldyń ekinshi jartyjyldyǵyna aýystyryldy»,-deıdi Almaty oblysy ishki saıasat basqarmasynyń basshysy Rahmet Esdáýletov.
Bıylǵy jyldyń basty toıynda, jyl basynan Jetisý ólkesinde áleýmettik mańyzy bar oraı 26 nysan esigin aıqara ashty.
Rahmet Razbekulynyń aıtýynsha, Kóksý, Raıymbek aýdandarynda DShSK, Qarasaı aýdany men Taldyqorǵan qalasynda jylyjaı kesheni-dárigerlik ambýlatorııalar ashylyp, Panfılov, Jambyl aýdandarynda týtuǵyr ornatylǵan. Sonymen qatar, oblystaǵy polıııa qyzmetkerlerine 55 jańa páterdiń kilti tapsyrylǵan.
Óńirde Qazaqstan Respýblıkasy Táýelsizdiginiń 30 jyldyq mereıtoıy aıasynda "eriktiler jylynyń" jalǵasy retinde "ıgi ister marafony"jalpyulttyq jobasy iske asyrylyp jatqandyǵyn atap ótken jón.
"Memleket basshysy aıqyndaǵan volonterliktiń 7 baǵyty jáne "ıgi ister marafony " aıasynda oblysta 1216 akııa ótkizildi. 75 muqtaj otbasy turǵyn úı aldy, 9 myń otbasy 170 mln.teńgege azyq– túlik sebetin aldy", - dedi oblystyq jastar saıasaty máseleleri basqarmasynyń basshysy Eldar Saparov.
Atalmysh sharalar tizbegi jalǵasyn taba bermek, Máselen, ekinshi jartyjyldyqtyń oqıǵalar kestesinde belgilengen merzimderge sáıkes 900 is -sharalary júzege asyrylatyn bolady.
Sonymen qatar, ekinshi jartyjyldyqta Qazaqstan Respýblıkasy Táýelsizdiginiń 30 jyldyǵyna oraı josparlanǵan 40 nysannyń ashylý saltanattary josparlanýda.
Atap aıtsaq, Alakól, Panfılov aýdandarynda dene shynyqtyrý kesheni, sport alańdary, M.Maqataevtyń eskertkishi, Jambyl, Eskeldi, Kerbulaq aýdandarynda saıabaqtardyń ashylýy jetisýlyqtardyń qoınyn qýanyshqa toltyrmaq. Bunyń barlyǵy Táýelsizdiktiń jemisi, qazaqtyń jeńisi.
