Wealthy Gorilla رەداكتسياسى الەمدەگى ەڭ باي 50 بوكسشىنىڭ ءتىزىمىن جاريالادى. قازاقستاندىق كاسىپقوي بوكسشى، WBA, WBO, IBF جانە IBO نۇسقالارى بويىنشا ورتا سالماقتاعى بۇرىنعى الەم چەمپيونى گەننادي گولوۆكين (42-2-1, 37 كو) بۇل ءتىزىمنىڭ 20-قاتارىنا تابان تىرەدى، دەپ حابارلايدى “ادىرنا.
باسىلىمنىڭ مالىمەتىنشە، 41 جاستاعى گولوۆكيننىڭ بايلىعى 30 ميلليون دوللارعا باعالانعان.
«گولوۆكيننىڭ ءارتۇرلى برەندتەرمەن، سونىڭ ىشىندە الەمدەگى ەڭ قىمبات ساعاتتاردى جاسايتىن Hublot جانە Chivas Regal الكوگولدىك سۋسىنىمەن يندوسسامەنتتىك كەلىسىمدەرى بار»، - دەلىنگەن ماتىندە.
سونداي-اق، 2006-2018 جىلدار ارالىعىنداعى كاسىپقوي مانسابىندا گولوۆكيننىڭ بىردە-ءبىر جەڭىلىس كورمەگەنى جانە بىردە-ءبىر رەت نوكاۋتقا تۇسپەگەنى اتاپ وتىلگەن.
450 ميلليون دوللار داۋلەتى بار رەيتينگتىڭ كوشباسشىسى امەريكالىق فلويد مەيۆەزەر. ەكىنشى ورىندا تاعى ءبىر امەريكالىق – دجوردج فورمان. ءۇشىنشى ورىندا 200 ميلليون دوللارمەن فيليپپيندىك مەنني پاكياو. سونداي-اق تىزىمدە اعايىندى ۆلاديمير ($90 ملن) جانە ۆيتالي كليچكو ($80 ملن) - سايكەسىنشە 8 جانە 10 ورىنداردى الىپ تۇر.
گولوۆكين سوڭعى رەت 2022 جىلدىڭ قىركۇيەگىندە جەكپە-جەك وتكىزىپ، ساۋل «كانەلو» الۆارەستەن جەڭىلىپ قالدى. وتكەن جىلى قازاقستاندىق چەمپيوندىق اتاعىن قورعاۋدان باس تارتقاندىقتان، IBF, WBA جانە IBO چەمپيوندىق بەلبەۋلەرىنەن ايىرىلعان بولاتىن. كەيبىر ساراپشىلار گولوۆكيننىڭ تيتۋلدى قورعاۋدان باس تارتۋىن ونىڭ بەلبەۋ ءۇشىن جەكپە-جەكتەگى قازاقستاندىق قارسىلاستارىنىڭ كوڭىلىنەن شىقپايتىن DAZN ستريمينگ-سەرۆيسىمەن ءتيىمدى كەلىسىم-شارتىنىڭ بولۋىمەن تۇسىندىرەدى.
