ىشكى ىستەر مينيسترلىگى قازاقستاندىقتارعا ۇندەۋ جاساپ، تەرروريزم تۋرالى جالعان حابارلاما ءۇشىن جاۋاپكەرشىلىك بارىن ەسكەرتتى، دەپ حابارلايدى «ادىرنا» ءتىلشىسى.
ءىىم جارىلعىش زات قويۋ نەمەسە قوعامدىق قاۋىپسىزدىككە وزگە دە قاۋىپتەر تۋرالى جالعان اقپاراتتى بايلانىس قۇرالدارى، ينتەرنەت-رەسۋرستار مەن الەۋمەتتىك جەلىلەر ارقىلى تاراتۋ فاكتىلەرى تىركەلىپ جاتقانىن اتاپ ءوتتى. مينيسترلىك مۇنداي ارەكەتتەر ءازىل، قالجىڭ رەتىندە جاسالسا دا، قىلمىستىق قۇقىق بۇزۋشىلىق رەتىندە باعالاناتىنىن جەتكىزدى.
«تەرروريزم اكتىسى تۋرالى كورىنەۋ جالعان حابارلامالار قوعامدىق قاۋىپسىزدىككە قاۋىپ ءتوندىرىپ، جاپپاي ەۆاكۋاتسيالارعا، مەملەكەتتىك ورگانداردىڭ، ءبىلىم بەرۋ، مەديتسينالىق جانە باسقا دا الەۋمەتتىك نىسانداردىڭ جۇمىسىنىڭ توقتاۋىنا اكەلەدى، سونداي-اق شۇعىل قىزمەتتەردىڭ ەلەۋلى كۇشتەرى مەن قۇرالدارىن الاڭداتادى. بۇل قىلمىستى جاساعانى ءۇشىن قر زاڭناماسىنا سايكەس باس بوستاندىعىنان ايىرۋعا دەيىنگى جازا قاراستىرىلعان»،- دەلىنگەن حابارلامادا.
وسىعان بايلانىستى پوليتسيا ازاماتتاردى تەكسەرىلمەگەن اقپاراتتى تاراتپاۋعا، جالعان شاقىرۋلار مەن حابارلامالار جاساماۋعا، بالالارعا تەرروريزم اكتىسى تۋرالى جالعان حابارلامالار ءۇشىن جاۋاپكەرشىلىك بار ەكەنىن تۇسىندىرۋگە، قاۋىپ-قاتەرى بار حابارلامالار العان جاعدايدا دەرەۋ پوليتسياعا حابارلاۋعا شاقىردى.
