ايەلدەر فۋتبولىنان وليمپيادالىق جارىستار ءوتىپ جاتقان جاپونيانىڭ مياگي پرەفەكتۋراسىنىڭ بيلىگى ايماققا "نەپارتاك" تايفۋنىنىڭ جاقىنداۋىنا بايلانىستى ەرىكتىلەردىڭ قىزمەتىن ۋاقىتشا توقتاتا تۇرۋ تۋرالى شەشىم قابىلداعان دەپ حابارلايدى "ادىرنا" ۇلتتىق پورتالى "تاسس-قا" سىلتەمە جاساپ.
كيودو اگەنتتىگىنىڭ حابارلاۋىنشا، پرەفەكتۋرادا وتەتىن وليمپيادالىق جارىستارعا شامامەن 280 ەرىكتى قاتىسادى.
تىنىق مۇحيتىندا قالىپتاسقان جانە قازىرگى ۋاقىتتا جاپونيانىڭ نەگىزگى تەرريتورياسىنا قاراي جىلجىپ كەلە جاتقان "نەپارتاك" تايفۋنى سارسەنبى كۇنى تاڭەرتەڭ حونسيۋ ارالىنىڭ سولتۇستىك-شىعىس بولىگىنە، اتاپ ايتقاندا، فۋكۋسيما، مياگي جانە يۆاتە پرەفەكتۋرالارىنا سوعادى. تايفۋننىڭ اسەرىنە بايلانىستى بۇل جەرلەردە قاتتى نوسەرلى جاڭبىر جاۋىپ، جەل تۇرادى.
قازىر «نەپارتاك» تايفۋنى توكيونىڭ تيبا پرەفەكتۋراسىنان وڭتۇستىك-شىعىسقا قاراي 230 كم جەردە ورنالاسقان جانە ول فۋكۋسيما، مياگي جانە يۆاتە پرەفەكتۋرالارىنا قاراي جىلجىپ بارادى. قازىرگى تاڭدا جەرگىلىكتى تۇرعىندارعا وزەندەردىڭ تاسۋى مەن كوشكىن قاۋپى تۋرالى ەسكەرتىلىپ جاتىر.
"ادىرنا" ۇلتتىق پورتالى.
