Áıelder fýtbolynan olımpıadalyq jarystar ótip jatqan Japonııanyń Mııagı prefektýrasynyń bıligi aımaqqa "Nepartak" taıfýnynyń jaqyndaýyna baılanysty eriktilerdiń qyzmetin ýaqytsha toqtata turý týraly sheshim qabyldaǵan dep habarlaıdy "Adyrna" ulttyq portaly "TASS-qa" silteme jasap.
Kıodo agenttiginiń habarlaýynsha, prefektýrada ótetin olımpıadalyq jarystarǵa shamamen 280 erikti qatysady.
Tynyq muhıtynda qalyptasqan jáne qazirgi ýaqytta Japonııanyń negizgi terrıtorııasyna qaraı jyljyp kele jatqan "Nepartak" taıfýny sársenbi kúni tańerteń Honsıý aralynyń soltústik-shyǵys bóligine, atap aıtqanda, Fýkýsıma, Mııagı jáne Ivate prefektýralaryna soǵady. Taıfýnnyń áserine baılanysty bul jerlerde qatty nóserli jańbyr jaýyp, jel turady.
Qazir «Nepartak» taıfýny Tokıonyń Tıba prefektýrasynan ońtústik-shyǵysqa qaraı 230 km jerde ornalasqan jáne ol Fýkýsıma, Mııagı jáne Ivate prefektýralaryna qaraı jyljyp barady. Qazirgi tańda jergilikti turǵyndarǵa ózenderdiń tasýy men kóshkin qaýpi týraly eskertilip jatyr.
"Adyrna" ulttyq portaly.
