بۇگىن ماقان ەسبولاتوۆ اتىنداعى الماتى اكادەمياسىندا ەۋرووداقتىڭ LEICA جوباسىنىڭ دەلەگاتسياسىمەن كەزدەسۋ بولىپ ءوتتى. الدىمەن، اتالعان جوبا جونىندە ازداعان انىقتاما. LEICA- ورتالىق ازيادا قۇقىق ءتارتىبىن قامتاماسىز ەتۋ دەگەندى بىلدىرەدى. اتى ايتىپ تۇرعانداي، الماتى اكادەمياسىنا كەلگەن قوناقتار وسى سالادا ىنتىماقتاستىق پەن ءوزارا بايلانىستى دامىتۋ ءۇشىن كەلگەندەرىن كەزدەسۋ بارىسىندا بايانداپ وتىردى.
الدىمەن قوناقتاردى اكادەميا تۋىنىڭ جانىندا ۇلتتىق كيىم كيگەن قىزدار قارسى الىپ، گۇل شوقتارىن ۇسىندى. سوسىن اكادەميانىڭ كونفەرەنتس-زالىندا كەلىسسوزدەر باستالدى. قوناقتارعا ارنالعان قۇتتىقتاۋ سوزىندە الماتى اكادەمياسىنىڭ باستىعى ايدار سايتبەكوۆ ەلىمىزدە قۇقىق قورعاۋ ورگاندارىندا ءجۇرىپ جاتقان رەفورما بارىسىن بايانداپ، ناقتى اكادەميانىڭ وزىندەگى وزگەرىستەرمەن تانىستىردى. دەلەگاتسيا اتىنان ءسوز العان فرانتسيا ىشكى ىستەر مينيسترلىگىنىڭ ۇلتتىق پوليتسيا اكادەمياسىنىڭ حالىقارالىق قاتىناستار جانە وقۋ جونىندەگى ديرەكتورى لوران موسكاتەللو مىرزا قازاقستاندىق ارىپتەستەرىنە ساتتىلىك تىلەپ، اتالعان جوبا اياسىندا ىنتىماقتاستىق ورناتۋعا ءازىر ەكەندىكتەرىن جەتكىزدى. ەۋروپالىق دەلەگاتسيا وكىلدەرىنە اكادەميا جايلى بەينەروليك كورسەتىلىپ، سلايتتار ۇسىنىلدى.
كەزدەسۋ سوڭىندا ەكى جاق ءوزارا ىنتىماقتاستىق تۋرالى مەموراندۋم جايىندا كەلىسسوز جۇرگىزدى. قوناقتاردى بۇل جولى تاعى ءبىر جاعىمدى توسىنسىي كۇتىپ تۇردى. اكادەميادا فرانتسۋزدىڭ پەتانك ويىنىن وينايتىن ارنايى الاڭ اشىلدى. ونىڭ القىزىل لەنتاسىن اكادەميا باستىعى ايدار سايتبەكوۆ پەن فرانتسيا ءىىم ءنىڭ ۇلتتىق پوليتسيا اكادەمياسىنىڭ حالىقارالىق قاتىناستار جانە وقۋ جونىندەگى ديرەكتورى لوران موسكاتەللو جانە LEICA جوباسىنىڭ ديرەكتورى گەناەل لە برەتون قيدى.
باق وكىلدەرىنە ارناپ ءباسپاسوز ءماسليحاتى ۇيمداستىرىلدى.
شەتەلدىك مەيماندار اكادەميا اۋماعىنداعى گەنەرال ماقان ەسبولاتوۆتىڭ ەسكەرتكىشىنە بارىپ، گۇلشوقتارىن قويدى. ەۋروپالىق ارىپتەستەرمەن بايلانىس كوكجيەگى بۇدان ءارى دە جالعاسا بەرەدى دەپ سەنەمىز.
