18 مامىر كۇنى بەيبىتشىلىك جانە كەلىسىم سارايى قازاقستاننىڭ ەڭبەك نارىعىنىڭ بولاشاعىن ايقىندايتىن باستى الاڭعا اينالادى. جۇمىس بەرۋشىلەر اسسوتسياتسيالارىنىڭ ءبىرىنشى ۇلتتىق فورۋمى بيزنەس، مەملەكەت جانە قىزمەتكەرلەر اراسىنداعى ديالوگتى نىعايتۋ ءۇشىن 400-دەن استام قاتىسۋشى مەن 100-دەن استام قاۋىمداستىقتىڭ باسىن قوسادى.
قاتىسۋشىلار ەڭبەك نارىعىنداعى نەگىزگى وزگەرىستەردى، سونىڭ ىشىندە جۇمىسپەن قامتۋ فورمالارىنىڭ ترانسفورماتسياسىن، داعدىلاردى دامىتۋ مەن كادرلاردى قايتا دايارلاۋدى، حالىقارالىق ستاندارتتاردى، جۇمىس بەرۋشىلەر بىرلەستىكتەرىن نىعايتۋدى، سونداي-اق بيزنەس، مەملەكەت جانە قىزمەتكەرلەردىڭ ءوزارا ءىس-قيمىل ماسەلەلەرىن تالقىلايدى.
سونىمەن قاتار، فورۋم اياسىندا ايەلدەر كاسىپكەرلىگى مەن كوشباسشىلىعىن دامىتۋعا ارنالعان «ايەل جۇمىس بەرۋشىلەر» اتتى پانەلدىك سەسسيا وتەدى. ساراپشىلار ايەلدەردىڭ باستامالارىن قولداۋ، ينكليۋزيۆتى ەكونوميكانى دامىتۋ جانە تابىستى ايەل كوشباسشىلاردىڭ تاجىريبەسىن تالقىلايدى.
فورۋم سپيكەرلەرى قاتارىندا:
جاسلان حاسەنۇلى ماديەۆ — قر پرەمەر-ءمينيسترىنىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى;
اسقاربەك ماراتۇلى ەرتاەۆ — قر ەڭبەك جانە حالىقتى الەۋمەتتىك قورعاۋ ءمينيسترى;
ساياسات نۇربەك — قر عىلىم جانە جوعارى ءبىلىم ءمينيسترى;
سارانگو رادناراگچا — بۇۇ-نىڭ قازاقستانداعى تۇراقتى ۇيلەستىرۋشىسى;
ساتىبالدى تەلاعىسۇلى داۋلەتالين — قر كاسىپوداقتار فەدەراتسياسىنىڭ توراعاسى;
حەنريك موللەر — حالىقارالىق ەڭبەك ۇيىمىنىڭ وكىلى;
جۇمابەك ەسىلبەكۇلى جانىقۇلوۆ — «PARYZ» قر جۇمىس بەرۋشىلەر ۇلتتىق كونفەدەراتسياسى پرەزيديۋمىنىڭ توراعاسى.
سونداي-اق فورۋمعا حالىقارالىق ەڭبەك ۇيىمىنىڭ (حەۇ), حالىقارالىق جۇمىس بەرۋشىلەر ۇيىمىنىڭ وكىلدەرى، ءىرى سالالىق جانە وڭىرلىك بيزنەس قاۋىمداستىقتارىنىڭ جەتەكشىلەرى، مەملەكەتتىك ورگاندار وكىلدەرى جانە ەلىمىزدىڭ جەتەكشى كاسىپكەرلەرى قاتىسادى.
ءىس-شارانىڭ ماڭىزدى بولىگى رەتىندە رەسپۋبليكالىق جانە وڭىرلىك قاۋىمداستىقتاردىڭ ارنايى كورمەسى ۇيىمداستىرىلادى. بۇل الاڭدا جۇمىس بەرۋشىلەر ءوز جەتىستىكتەرى مەن الەۋەتىن كورسەتىپ، جەكە سەكتوردىڭ قازاقستاننىڭ دامۋى مەن وركەندەۋىنە قوسىپ وتىرعان ۇلەسىن تانىستىرادى.
فورۋم تەك پىكىر الماسۋ الاڭى عانا ەمەس، سونىمەن قاتار جاڭا سەرىكتەستىكتەردىڭ، باستامالاردىڭ جانە كاسىبي بىرلەستىكتەردىڭ نەگىزىن قالايتىن، قازاقستان بيزنەسىنىڭ بولاشاق دامۋ باعىتىن ايقىندايتىن ماڭىزدى الاڭعا اينالماق.
