تۇركىستان وبلىسى جەتىساي اۋدانىندا ەگىستىك القاپتى قاجەتتى اعىن سۋمەن قامتۋ وزەكتى ماسەلەنىڭ ءبىرى. اۋدانداعى اعىن سۋ تاپشىلىعىن جويىپ، سۋارمالى جەرلەردىڭ تيىمدىلىگىن ارتتىرۋ جانە ۇنەمدەۋ باعىتىندا كوپتەگەن جۇمىستار جاسالۋدا، دەپ حابارلايدى "ادىرنا" ۇلتتىق پورتالى تۇركىستان وبلىسى ءباسپاسوز قىزمەتىنە سىلتەمە جاساپ.
ولاردىڭ بارىسىمەن تانىسقان تۇركىستان وبلىسىنىڭ اكىمى ومىرزاق شوكەەۆ 100 مىڭ گەكتارعا جۋىق ەگىستىك جەرگە سۋ جەتكىزەتىن ماشينالىق ادىسپەن سۋ كوتەرۋ كانالىندا بولدى. مەملەكەتتىك ماڭىزى بار نىسان وسىدان 10 جىل بۇرىن اشىلعان. 12 سورعىمەن جابدىقتالعان.
ۇزىندىعى 16 شاقىرىمعا جەتەتىن كانالدىڭ نەگىزگى ماقساتى - شاردارا سۋ قويماسىنان سۋ بەرۋ ناۋقانىندا سۋ تاپشىلىعىن بولدىرماۋ جانە قالىپتى اعىن سۋ جەتكىزۋ. ماۋسىمىنا 45 ملن.م3. سۋ بەرىلەدى. سۋ شارۋاشىلىعى نىسانىنىڭ تەحنيكالىق جاي-كۇيىن قالىپتى جاعدايدا ۇستاۋ ماقساتىندا بىرقاتار ءىس-شارالار اتقارىلعان. ناسوس ستانساسىنداعى سۋ سورعى اگرەگاتتارى جوندەۋدەن وتكىزىلىپ، كانالدار مەحانيكالىق تازالاۋدان وتكەن.
وبلىس اكىمى ومىرزاق شوكەەۆ جەتىساي اۋدانى قاراقاي اۋىلدىق وكرۋگىندە ورنالاسقان «كەتەباي» وندىرىستىك كووپەراتيۆىنە قاراستى جاڭا سورتتاعى ءشيتتى ماقتا القابىن ارالاپ كوردى. وسىدان 25 جىل بۇرىن قۇرىلعان كووپەراتيۆتىڭ يەلىگىندە 400 گەكتار ەگىستىك القابى بار. بۇگىندە مۇندا 130 كۇندە پىسەتىن تۇركيالىق جانە قىتايلىق ماقتا سۇرىپتارى وسىرىلەدى. ماقتا ۇرىعىنىڭ بۇر سۇرپىن ەككەن ديقاندار گەكتارىنا 30-35 تسەنتنەردەن ءونىم جيناۋدا.
ساپار بارىسىندا وبلىس باسشىسى قاراقاي اۋىلدىق وكرۋگىنە قاراستى ساتباەۆ ەلدى مەكەنىندە ورنالاسقان ءسۇت ونىمدەرىن وڭدەيتىن تسەحتا بولدى. اتالمىش تسەح تاۋلىگىنە 30 تونناعا دەيىن ءسۇت وڭدەي الادى. مۇندا ىرىمشىك، قايماق، ايران سياقتى 20 ءتۇرلى ءونىم وندىرىلۋدە. كاسىپورىن ىشكى نارىقتى تولىقتاي قامتىپ وتىر.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
