الماتى وبلىسىندا ساياسي الاماننىڭ باستالعانى سول ەكەن، ءوز ۇزدىكتەرىن تاڭداماققا اعىلعان حالىقتىڭ قاراسى قالىڭ.
قاراتال اۋدانى، باستوبە اۋىلدىق وكرۋگىندەگى 548-ءى سايلاۋ ۋچاسكەسىندە قازىردىڭ وزىندە 400-گە جۋىق تۇرعىن كانديداتتارعا داۋىس بەردى. جالپى اتالعان ۋچاسكەدە 2126 سايلاۋشى تىركەلگەن. سونداي-اق 20 سايلاۋشى ۇيدەن داۋىس بەرۋگە ءوتىنىش بىلدىرگەن.
"بۇگىن تاڭعى سەگىزدەن بەرى جۇمىس جاساپ جاتىرمىز. ءبىزدىڭ ۋچاسكەدە 3 ساياسي باقىلاۋشى ءوز جۇمىستارىن جالعاستىرۋدا. بارلىق سانيتارلىق تالاپتار ساقتالعان. كەشكە دەيىن 80-90% سايلاۋشى ءوز داۋسىن بەرەدى دەگەن ويدامىن. نەگىزى بۇل ۋچاسكەدە سايلاۋشىلار 3 كانديداتقا داۋىس بەرەدى",- دەيدى ءنومىرى 548-ءى سايلاۋ ۋچاسكەسىنىڭ توراعاسى مالىكجان جامالبەكوۆ.
